Şotlandiyanın “Reyncers” klubunun qapıçısı Alan Makqreqor Avropa Liqasının tarixinə düşüb.

Futbolpress.az xəbər verir ki, finalda Almaniyanın “Ayntraxt”ına (Frankfurt) qarşı matça start heyətində çıxan qolkiper bu turnirin həlledici oyununda mübarizə aparan 3-cü ən yaşlı futbolçu olub.

Makqreqor matç günü 40 yaş 107 günlüyündə olub. O, yalnız italiyalı həmkarı Dino Zoff (41 yaş 86 gün) və niderlandlı qapıçı Edvin van der Sardan (40 yaş 211 gün) geri qalır.

İspaniyanın Sevilya şəhərindəki “Ramon Sançes Pisxuan” stadionunda keçirilən “Ayntraxt” – “Reyncers” matçında əsas və əlavə vaxt 1:1 hesabıyla bitib. Penaltilər seriyasında 5:4 qalib gələn “Ayntraxt” çempion olub.