Mahmud Qurbanov da “Zirə” dedi, Rəşad Sadiqov da
Ölkə çempionatının son turu ərəfəsində yalnız bir sual açıq qalır: 3-cü yeri hansı komanda tutacaq – “Zirə”, yoxsa “Qəbələ”? Qəsəbə təmsilçisi 46 xalla 3-cü pillədə qərarlaşıbsa, “qırmızı-qaralar” 2 xal geri qalmaqla dördüncüdü.
Onu da xatırladaq ki, “Zirə” indiyə qədər bir dəfə - 201/16 mövsümündə mükafarçılar sırasına düşüb və 2-ci yeri tutub. “Qəbələ” isə 2014, 2015 və 2016-da bürünc, 2017 və 2018-də gümüş medalları qazanıb. “Football-plus.az” saytı son tur ərəfəsində hansı komandanın daha şanslı olması ilə bağlı mütəxəssis fikri öyrəndi.
Mahmud Qurbanov: “Çempionatın sonuncu turuna nəzər yetirsək, "Zirə" "Şamaxı" ilə, "Qəbələ" isə "Sabah"la oynayacaq. 3-cü yerə iddialı hər iki komandanın evdə oynayacağını nəzərə alsaq, bu məqam onlara rəqibləri üzərində qismən üstünlük yaradır. Amma mən "Zirə"ni bürünc medallara yiyələnməyə daha şanslı sayıram. İnanmıram ki, "qartallar" sonuncu ev oyununda autsayderə uduzsun. Başqa bir səbəb də var: Rəşad Sadıqov məşqçi karyerasında ilk medalını qazanmağa çox yaxındı. Odur ki, millinin sabiq kapitanının iddiasından əl çəkəcəyini düşünmürəm”.
Rəşad Sadiqov: "Hər iki klub bu yerə qədər əzab-əziyyət, döyüşkənlik sayəsində gəlib çıxıb. Hər ikisinin bürünc medalları qazanmaq şansı var. "Qəbələ" bu mövsümə çox yaxşı qoşuldu. Çempionatımızda "Qarabağ"dan sonra hücum futboluna üstünlük verən "qırmızı-qaralar"dı desək, yanılmarıq. Amma oyunçuların gücünə, təcrübəsinə, klubun iddiasına görə qiymətləndirsək, qismən "Zirə" şanslıdı”.
ABDULLA İSMAYILOĞLU
Digər xəbərlər
