Bu inanılmazdı, amma həqiqətdi: 46 yaşlı futbolçu ilə müqavilə yenilənib.

"Football-plus.az" xəbər verir ki, Georgi Petkov, belə desək, qocaman futbolçu sayılsa da, klubu onun komandadakı çıxışını davam etdirməsini lazım bilib. Qapıçı isə “Slaviya”dan aldığı növbəti təklifi müsbət cavablayıb. Veteran futbolçu Bolqarıstan klubunda daha bir mövsüm çıxış edəcək.

46 yaşı martın 14-də tamamlanan Georgi sofiyalıların formasını 2012-ci ildən geyir. O, “Slaviya”nın qapısını 1996-2001-ci illərdə də qoruyub. Əlcək sahibi hazırda Avropada ən yaşlı peşəkar futbolçudu! Petkov bu mövsüm ölkə çempionatında 2 oyun keçirib. Onun milli komandanın qapısını 18 oyunda qoruduğunu da bildirək.