“Mançester Yunayted”i müvəqqəti çalışdıran Ralf Ranqnikin yeni iş yeri məlum olub. O, Avstriya yığmasının baş məşqçisi təyin edilib.

63 yaşlı mütəxəssis bu mövsümün sonuna qədər İngiltərə klubunu çalışdıracaq, mayın sonunda isə yeni komandasını Millətlər Liqasının seçmə qrupunun oyunlarına hazıramağa başlayacaq. Onunla imzalanan müqavilə ikiilliyə nəzərdə tutulub. Avstriya millisi AÇ-2024-ün final mərhələsinə vəsiqə qazanacağı halda anlaşmanın müddəti avtomatik olaraq 2026-cı ilə qədər uzadılacaq.

Xatırladaq ki, alman mütəxəssis 2012-15-ci illərdə Avstriyanın “Zaltsburq” klubunun idman direktoru vəzifəsini icra edib. MY-ni isə yeni mövsümdən “Ayaks”ın baş məşqçisi Erik ten Haq çalışdıracaq.