Bu günlərdə “Mançester Yunayted”i növbəti mövsümdən çalışdırmaq imkanı olacaq məşqçilərin siyahısı açıqlanmışdı.

İngiltərə mənbələri komandanı müvəqqəti çalışdıran Ralf Ranqnikin yerinə namizədlərin müəyyənləşdiyini və rəhbərliyin baş məşqçi vəzifəsində 4 mütəxəssisdən birini görmək istədiyini xəbər vermişdi. İddiaya görə, namizədlərin siyahısına Tomas Tuxel (Çelsi), Xulen Lopeteqi (Sevilya), Erik ten Haq (Ayaks) və Luis Enrike (İspaniya yığması) daxil edilib. Onlar arasında Ten Haqın favorit olduğu, onun artıq ingilis dilini öyrənməyə başladığı da iddia edilir.

Son xəbərlərdə İngiltərə nəhənginin artıq onunla razılığa gəldiyi bildirilir. Niderlandda çıxan “De Telegraaf” qəzetinin məlumatında MY-nin Ten Haqa görə “Ayaks”a 2 milyon avro təzminat ödəyəcəyi də qeyd edilir.