Ralf Ranqnikin “Mançester Yunayted”dəki aqibəti müəyyənləşib.

Ötən ilin dekabrında alman mütəxəssisin müvəqqəti icra etdiyi baş məşqçi vəzifəsini tərk edəndən sonra klubda məsləhətçi kimi fəaliyyət göstərəcəyi açıqlanmışdı. Lakin o, İngiltərə klubu ilə yolları birdəfəlik ayırıb. Qeyd edək ki, aprelin sonunda Ranqnikin Avstriya yığmasına təyinatı açıqlanmışdı. Avstriya Futbol Federasiyası onun milli komandadan başqa yerdə çalışmasını istəməyib və “Mançester Yunayted” rəhbərliyi 63 yaşlı mütəxəssis ilə xoşluqla ayrılmağı lazım bilib.

Xatırladaq ki, MY ölkə çempionatının 2021/22 mövsümünü 6-cı yerdə başa vurub. Komanda Ranqnikin rəhbərliyi altında keçirdiyi oyunlarda orta hesabla 1,5 xal toplayıb və matçların 42 faizində qalib gəlib. Hər iki göstərici premyer-liqanın mövcud olduğu müddətdə “Yunayted”in baş məşqçisi üçün antirekord sayılır.