"Allah haqqı, danışılacaq nəsə yoxdu" - İlkin Qırtımov
“Allah haqqı, danışılacaq nəsə yoxdu. Bu məğlubiyyətdən sonra söz tapa bilmirəm. Sənan müəllim məşqçidi, yəqin əsəbi olub ki, belə fikir səsləndirib. Bəlkə də günahı kimlərinsə üstünə atır. Onsuz da hamımız beləyik. O bunun, başqası günahı digərinin üstünə atır".
Bu sözləri "Futbol+" qəzetinə açıqlamasında "Şamaxı"nın üzvü İlkin Qırtımov deyib.
Müdafiəçi premyer-liqanın 23-cü turunda "Qarabağ"a 0:8 hesabı ilə məğlub olduqlarına görə azarkeşlərdən üzr istəyib:
"Uduzmuşuqsa, hamımız uduzmuşuq. Baş məşqçi, oyunçular, klub rəhbəri birlikdə məğlub olub. Burda şəxsən kimisə günahlandırmaq olmaz. “O bunu etdi, başqası fərqli davrandı” demək doğru deyil. Bəhanə axtarmaq yersizdi. Ümumiyyətlə, söz tapa bilmirəm. Azarkeşlərimizdən üzrxahlıq edirəm. 90 dəqiqə bizi dayanmadan dəstəklədilər. Onlar qarşısında günahkarıq. Çalışacağıq ki, qarşıdakı oyunlarda qələbə qazanıb, onları sevindirək. Onlara qələbə bəxş etmək borcumuzdu”.
