İlkin Qırtımov "Neftçi"yə məğlubiyyətin səbəbini açıqladı
Premyer-liqanın 22-ci turunda "Şamaxı" doğma azarkeşləri önündə "Neftçi"ni qəbul etdi.
Görüş qonaqların 2:1 hesablı qələbəsi ilə yekunlaşdı. "Şamaxı"nın təcrübəli futbolçusu İlkin Qırtımovun qarşılaşma ilə bağlı təəssüratını öyrəndik:"Öncə azarkeşlərə təşəkkür edirəm. Çoxdandı çempionatımızda belə ab-hava çatışmırdı. Növbəti oyunlarda onları sevindirməyə çalışacağıq. Matçın gərgin keçəcəyini bilirdik. Yaxşı başladıq, amma ikinci hissədə buraxdığımız qol rəqibə ruh yüksəkliyi verdi. Qol imkanlarımız çox oldu. Bundan sonra çalışıb belə epizodları dəyərləndirməliyik. Azarkeşlərimizi sevindirmək üçün əlimizdən gələni edəcəyik".
GÜNAY VƏLİYEVA
