Bu sözləri "Futbol+"ə açıqlamasında Turan Vəlizadə deyib. "Şamaxı"nın yarımmüdafiəçi "Qarabağ"a premyer-liqanın 23-cü turunda 0:8 hesabı ilə məğlub olmaqlarını şərh edib. 21 yaşadək milli komandanın üzvü növbəti oyunlarda azarkeşlərin ümidlərini doğrultmağa çalışacaqlarını bildirdi:

"Komandanın oyundan yaxşı nəticə ilə ayrılması üçün əlimdən gələni etdim. 90 dəqiqə meydanda oldum, bu müddət ərzində güclü futbolçulara qarşı oynadım. Yaxşı və ya pis oynadığımı deyə bilmərəm. Lakin komandanın bütün üzvlərinin də əllərindən gələni etdiklərini düşünürəm. Əlbəttə, bütün azarkeşlər komandalarının qələbə qazanmasını istəyir. Həmin gün bizə dəstək verdikləri üçün fanatlarımıza təşəkkür edirəm. Növbəti oyunlarda onların ümidlərini doğrultmağa çalışacağıq”.