“Mançester Siti” 3 oyunçusunu itirdi

Çempionlar Liqasında yarımfinala vəsiqə “Mançester Siti”yə baha başa gəlib.

İngiltərə klubu 1/4 finalın “Atletiko” ilə cavab oyununda (0:0) 3 oyunçusunu itirib. Yarımmüdafiəçi Kevin De Bruyne 65-ci, müdafiəçi Kayl Uoker isə 8 dəqiqə sonra zədələnərək meydanı tərk ediblər. “Şəhərlilər”in digər müdafiəçisi Joao Kanselu isə son dəqiqələrdə sarı vərəqə alıb.

Portuqaliyalı futbolçu cəzalı duruma düşdüyü üçün yarımfinalın ilk oyununda “Real”a qarşı oynaya bilməyəcək.