“Goal.com” saytı “Qızıl top”a iddiaçıların növbəti reytinq cədvəlini açıqlayıb.

Siyahının ilk pillələrində dəyişiklik baş verib. Cədvələ əvvəlki kimi “Real”ın hücumçusu Kərim Benzema başçılıq edir. Əvvəlki siyahıda 2-ci yerdə olan Məhəmməd Salah isə bir pillə geriləyib. Hazırda zədə səbəbi ilə “Liverpul”a kömək edə bilməyən misrli hücumçunun mövqeyini həmklubu Sadio Mane ələ keçirib. Diqqəti cəlb edən faktlardan “Qızıl top”u dəfələrlə qazanan Lionel Messi (PSJ) ilə Kriştiano Ronaldonun (Mançester Yunayted) yenə də ilk “20-liy”ə düşə bilmədiklərini xüsusi vurğulayaq. Siyahının ilk “10-luğ”u isə aşağıdakı kimidi:

1. Kərim Benzema (Real)
2. Sadio Mane (Liverpul)
3. Məhəmməd Salah (Liverpul)
4. Robert Levandovski (Bavariya)
5. Kilian Mbappe (PSJ)
6. Vinisius Junior (Real)
7. Kevin De Bruyne (Mançester Siti)
8. Luka Modriç (Real)
9. Filip Foden (Mançester Siti)
10. Trent Aleksander-Arnold (Liverpul)