MHL-də son üç gündə keçirilən oyunlarla bağlı bəzi maraqlı məqamlar var.

“Sent-Luis”i məğlub edən “Edmonton” ardıcıl 9-cu ev qələbəsini qazanmaqla 2016/17 mövsümündə müəyyənləşdirdiyi klub rekordunu təkrarladı.

“Arizona”nı 5:0 hesabıyla məğlub edən “Anahaym” isə 11 oyundan sonra qələbəyə sevindi. “Daks” sonuncu dəfə martın 7-də “San-Xose”yə qalib gəlmişdi.

Srağagünkü “Filadelfiya” – “Toronto” oyununu əlamətdar edən orijinal səbəb var. Belə ki, “Filadelfiya”nın müdafiəçisi Kit Yandl ehtiyatda qaldı və bununla da onun möhtəşəm seriyası qırıldı. Yandl 2009-cu il martın 22-dən, yəni hələ “Finiks”in formasını geydiyi vaxtdan bəri heç bir oyunu buraxmamışdı. Ardıcıl 989 oyuna çıxan müdafiəçi 1978-87-ci illər aralığında 964 oyunluq seriya yaxalayan Duq Carvisin rekordunu yeniləmişdi. Yandl ehtiyatda qaldığından bir başqa hokkeyçinin yeni rekord müəyyənləşdirmək imkanı var. “Arizona”nın hücumçusu Fil Kessel ardıcıl 967 oyuna çıxıb.
Srağagün səfərdə “Baffalo”nu məğlub edən “Florida” MHL klubları arasında birinci pley-offa adladı. “Panterz” hazırda 102 xalla Şərq konfransının turnir cədvəlinə başçılıq edir.

2 aprel
Baffalo – Neşvill 4:3 (3:3, 1:0, 0:0)
Reyncers – Aylenders 0:3 (0:1, 0:1, 0:1)
Tampa-Bey – Çikaqo 5:2 (2:2, 2:0, 1:0)
Detroyt – Ottava 2:5 (0:1, 1:0, 1:4)
Edmonton – Sent-Luis 6:5 ОТ (4:1, 1:2, 0:2, 1:0)
Sietl – Veqas 2:5 (0:1, 0:2, 2:2)
Arizona – Anahaym 0:5 (0:3, 0:1, 0:1)
Nyu-Cersi – Florida 6:7 OT (2:1, 4:1, 0:4, 0:1)
Kolorado – Pittsburq 3:2 (0:0, 2:1, 1:1)
3 aprel
Boston – Kolambus 5:2 (1:1, 1:1, 3:0)
Vinnipeq – Los-Anceles 2:3 (1:2, 1:1, 0:0)
Karolina – Minnesota 1:3 (0:1, 0:1, 1:1)
Tampa-Bey – Monreal 4:5 B (2:0, 2:3, 0:1, 0:0, 0:1)
Filadelfiya – Toronto 3:6 (0:0, 2:2, 1:4)
Kalqari – Sent-Luis 4:6 (2:2, 0:1, 2:3)
San-Xose – Dallas 4:5 (1:4, 1:0, 2:1)
Baffalo – Florida 3:5 (1:0, 0:3, 2:2)
Ottava – Detroyt 5:2 (1:1, 2:0, 2:1)
Nyu-Cersi – Aylenders 3:4 (0:2, 1:1, 2:1)
4 aprel
Vankuver – Veqas 2:3 OT (0:2, 0:0, 2:0, 0:1)
Vaşinqton – Minnesota 1:5 (0:2, 0:1, 1:2)
Reyncers – Filadelfiya 3:4 B (0:2, 0:0, 3:1, 0:0, 0:1)
Çikaqo – Arizona 2:3 OT (1:0, 0:2, 1:0, 0:1)
Anahaym – Edmonton 1:6 (0:3, 0:1, 1:2)
Sietl – Dallas 4:1 (1:0, 0:0, 3:1)