Son bir həftədə Rusiyanı daha üç legioner tərk edib.

Kento Haşimoto “Rostov”dan ayrılıb. Yaponiyalı yarımmüdafiəçi klubla müqaviləsinə xitam verib.

Yığmamızın sabiq hücumçusu Badri Kvaratsxeliyanın oğlu Xviça Kvaratsxeliya da klubunu dəyişib. O, “Rubin”dən Batumi “Dinamo”suna keçib. Qeyd edək ki, son həftələr Rusiya klubunda çıxışını davam etdirdiyi üçün Gürcüstanda Xviçaya təzyiq artmışdı. Onun indi 57 yaşında olan atası Badrinin 2000-ci ildə Azərbaycan millisində 3 oyun keçirdiyini, ölkəmizdə “Kəpəz”in (1997-98) və “Şəmkir”in (1998-2005) formasını daşıdığını, “Standard”, “Qəbələ” və “Turan”da məşqçi kimi çalışdığını da xatırladaq.

Rusiyanı daha bir gürcü futbolçu da tərk edib. “Arsenal”dan (Tula) ayrılan Zuriko Davitaşvili də Batumi “Dinamo”su ilə anlaşıb.