İtaliyalı futbolçu Manolo Portanova həbs edilib.

"Football-plus.az" saytının məlumatına görə, hücumçu gənc qıza cinsi təcavüz etməkdə ittiham olunur.

Olay 2021-ci il mayın 30-da Sienadakı mənzildə baş verib. Manolo ilə bərabər daha iki nəfər də iyunun 7-də məhkəmə qarşısına çıxacaq. Daha əvvəl onlar ev dustaqlığına buraxılsa da, 10 aylıq araşdırmadan sonra prokuror şübhəlilərin həbsi barədə göstəriş verib.

Qeyd edək ki, Portanova İtaliyanın 21 yaşadək futbolçulardan ibarət yığmasında çıxış edir.