Premyer-Liqa rəhbərliyi transferə mane oldu

“Bernli”nin heyətini Viktor Mozes ilə gücləndirmək planı baş tutmayıb.

İngiltərə klubu “Spartak”ın yarımmüdafiəçisini sıralarına qatmaq istəyib. Xatırladaq ki, fevralın 24-də Rusiyanın Ukraynaya hərbi müdaxiləsindən sonra FİFA əcnəbi futbolçu və məşqçilərə bu ölkələrin klubları ilə müqaviləni yaya qədər pozmaq hüququ verib. “Bernli” rəhbərliyi bundan yararlanaraq Mozesi transfer etməyə çalışıb. Lakin İngiltərə Premyer-Liqası keçidə mane olub.