Region Liqasında çıxış edən daha bir klub maliyyə problemi ilə üzləşib.
Söhbət pley-off mərhələsinə vəsiqə qazanan “Ağsu Siti”dən gedir. Sabah öz meydanında Yevlax “Karvan”ını qonaq edəcək komandanın “feysbuk”dakı səhifəsi ağsululara müraciət ünvanlayıb.
“Football-plus.az” saytı həmin müraciəti sizə təqdim edir:
“Əziz ağsulular, bildiyimiz kimi komandamız Region Liqasında pley-off mərhələsinə düşüb. Martın 26-sı saat 14.00-da öz meydanımızda Yevlaxın “Karvan” komandası ilə görüşürük. İndiyə qədər heç bir sponsor olmadan komandamız 3 ildi Rəmzi Eminlinin və bəzi həvəskar insanların dəstəyi ilə meydana çıxır. Artıq gücümüz tükənib həqiqətəndə maddi dəstəyə ehtiyacımız var. Yarım finala gedən yolda ağsulularımıza müraciət edirəm. Ağsumuzun adını ölkədə yüksək səviyyədə təmsil etmək üçün can yandırmaq tək Rəmzinin və bəzi həvəskar insanların işi deyil. Klub bizlərin şəxsi komandası deyil, bütün rayonun komandasıdı. Dəstək olmaq sizlərin mənəvi borcunuzdu. Başda rayon icra başçısı Rövşən Bağırov cənabları olmaqla, Ağsudan olan vəzifəli şəxslər və rayonun iş adamlarını Ağsu adını dahada zirvələrə daşıyacaq “Ağsu Siti”yə dəstək olmağa çağırırıq. Martın 26-sı keçirləcək oyuna kimin nəyə gücü çatırsa əlindən gələni əsirgəməsin”.
RƏŞAD