Ötən gün xəbər vermişdik ki, bu gün “Turan Tovuz”un Müşahidə Şurasının iclası keçirilməli və yeni baş məşqçinin namizədliyi təsdiqlənməlidi.

İclasın keçirilib-keçirimədiyini aydınlaşdırmaq üçün qərblilərin Müşahidə Şurasının sədri Oqtay Abdullayevlə əlaqə saxladıq. Oqtay bəy “Football-plus.az” saytına açıqlamasında toplantının olduğunu bildirdi:

“Turan Tovuz” hazırda birinci divizionda 13 komanda arasında 17 xalla 10-cu pillədə qərarlaşıb. Növbəti mövsümdə premyer-liqada 10 komandanın çıxış edəcəyi xəbəri dövrüyyəyə buraxıldıqdan sonra tovuzluların divizionu elitaya dəyişəcək iki kollektivdən biri olacağı ilə bağlı futbol camisəində söz-söhbətlər dolaşmağa başladı. “Boz qurd”ların ölkənin futbol elitasına dönməsinə bir sözümüz yoxdu, ancaq bu məsələdə idman prinsipləri qorunsaydı daha yaxşı olardı. Yəni, hazırda aşağı dəstədə turnir cədvəlinin sonlarında qərarlaşan komandanın premyer-liqaya dönüşü ən azı mənəvi cəhətdən mövsümü üst pillədə başa vuracaq digər divizion klublarının haqqının tapdalanması deməkdi.

Ancaq “göy-qırmızılar”ın Müşahidə Şurasının sədri fikirlərimizlə barışmadığını bildirdi:

“Ötən illərdə “Turan Tovuz” aşağı dəstənin çempionu olub, premyer-liqaya buraxılmayanda mənəvi dəyərlər heç yada düşmürdü. Onda haqq-ədalət heç yada düşmürdü, amma indi hamı ədalət çarçısı olub. Onu da bildirim ki, “Turan Tovuz”un növbəti mövsümdə elitada çıxış edəcəyi hələ təsdiqlənməyib. Biz lisenziya almaq üçün çalışırıq və yöndə işlər görülür. Bir də guya əvvəlki illərdə divizionu premyer-liqaya dəyişən bütün klublar idman prinsipləri əsasında bunu bacarıblar? İndi bir-bir ad çəkmək istəmirəm. Lisenziyalaşdırma Komisssiyası hər bir kluba eyni gözlə baxır. Kim şərtləri və tələbləri yerinə yetirəcəksə, o da elita da çıxış etmək hüququ qazanacaq”.

RƏŞAD