“Bildiyiniz kimi mən “Turan Tovuz”un müşahidə Şurasının üzvüyəm. Sabah Tovuzda şuranın növbəti toplantısı olacaq. Orda təyinat rəsmiləşəcək. Babayevin istefası bir qədər gözlənilməz oldu. Klub rəhbərliyi də vaxtilə Tovuzda çalışdığımı, məşqçilər korpusunda yer alan məşqçilərin, heyətdə olan bir neçə futbolçunun və siravi işçilərin məni yaxşı tanıdığını nəzərə alıb namizədliyim üzərində dayanıb. Mövsümün sonuna cəmi 8 oyun qalır. Müşahidə Şurasının digər üzvü Novruz Əzimov, Nizami Sadıqov, Nadir Nəbiyev, akademiyanın rəhbəri Adil Şükürovla əl-ələ verib mövsümü major notda başa vurmağa çalışacağıq. Ümumiyyətlə, Qərb zonası mənim üçün heç yad yer sayılmır. Gəncədə futbol oynamışam, Şəmkirdə və Tovuzda məşqçi kimi çalışmışam. Bu regionun futbolsevərləri ilə daim yaxşı münasibətim olub. Ümid edirəm ki, qalan turlarda tovuzlu azarkeşlər yanımızda olacaq, bizə dəstək verəcəklər”.