UEFA 2023/24 mövsümündən etibarən qadınlardan ibarət komandası olmayan klubların ÇL-də iştirakına icazə verilməməsi ilə bağlı məsələni müzakirə edir.

Mediada yazılan xəbərlərə inansaq, qərar yaxın günlərdə açıqlanacaq. Bununla bağlı apardığımız sorğudan məlum oldu ki, yalnız “Keşlə”, “Neftçi” və “Sumqayıt”ın qızlardan ibarət komandası mövcuddu. “Səbail” isə sorğuda iştirak edə bilməmişdi.

Bu üzdən də yenidən qəsəbə təmsilçisinin mətbuat xidmətnin rəhbəri Mehriban Mürsəlova ilə əlaqə saxlamağa qərar verdik. Klub rəsmisi bu mövzunun planda yer aldığını deməklə kifayətləndi.

SƏNƏM FƏRHADOVA