Paytaxtda yeni stadion inşa ediləcək

Yaxın gələcəkdə İtaliya paytaxtında yeni stadion inşa ediləcək. “Roma” rəhbərliyi arenanın inşası üçün yerli hakimiyyət orqanlarından icazə alıb.

"Football-plus.az" xəbər verir ki, İtaliya mətbuatının məlumatına görə, yeni stadion 60 min azarkeş tutumuna malik olacaq. Layihənin ümumi dəyəri 1,37 milyard avro qiymətləndirilir. Tikinti işlərinə 2027-ci ilin martında başlanılması planlaşdırılır. Yeni stadionun 2032-ci ildə İtaliya və Türkiyənin birgə evsahibliyi edəcəyi Avropa çempionatının oyunlarını qəbul edəcəyi də bildirilir. Arenanın AÇ-2032-nin yarımfinal və hətta final matçına səhnə olması variantı nəzərdən keçirilə bilər.

Xatırladaq ki, payatxt klubu ev oyunlarını Roma Olimpiya Stadionunda keçirir. Yerli “Latsio” da rəqiblərini burda qəbul edir.