Yıldız nə vaxt qayıdacaq?

Kənan Yıldızın zədələndiyini xəbər vermişdik. “Yuventus”un və Türkiyə yığmasının futbolçusu əməliyyat olunub.

Turin klubunun yaydığı məlumata görə, 20 yaşlı hücumameyilli yarımmüdafiəçi bazar ertəsi sol ayağının 5-ci daraq sümüyündəki sınıqla bağlı əməliyyat olunub. Kənanın çərşənbə axşamından başlayaraq bərpa prosesinə başlayacağı bildirilib. Gənc futbolçunun ən azı 6 həftə yaşıl meydanlardan uzaq qalacağı gözlənilir.

Bu zədə “Yuventus” kimi Türkiyə yığmasının planlarına da mənfi təsir edəcək. Belə ki, Kənan bərpa prosesi səbəbindən Millətlər Liqasının ilk 4 oyununda “ay-ulduzlular”a kömək edə bilməyəcək.