"Sabah" Misli premyer-liqasının evdə keçirilən 8-ci tur matçında "Zirə"yə qalib gəldi - 3:0.

"Football-plus.az" xəbər verir ki, "bayquşlar"ın baş məşqçisi Valdas Dambrauskas oyunsonrası mətbuat konfransında jurnalistlərin suallarını cavabladı.

- "Sabah" ailəsini təbrik edirəm. Çox layiqli qələbə qazandıq. Matça çox yaxşı hazırlaşmışdıq. Oyun ərzində inamlı çıxış edən tərəf biz olduq. Futbolçular tapşırıqları layiqincə icra etdi. "Zirə"yə böyük hprmətimiz var. Yaxşı komandadı. Birinci hissədə tamamilə üstün oyun göstərdik. Rəqibə bir zərbə üçün belə şans vermədik. "Zirə"nin ikinci yarıda daha riskli oynayacağını bilirdik. Bu cür epizodlardan birindən yararlanıb daha bir qol vurduq. 4 oyunçumuz zədəli idi. Lakin bu gün şans qazanan gənc futbolçular çox yaxşı performans göstərdi. Məsələn, Xəyal, Maluda... Xoşbəxtəm ki, futbolçularım öz üzərində bu qədər çox çalışır.

- Adətən fasilədə paltardəyişmə otağına qaçaraq gedirsiz. Bu, nə ilə bağlıdı?
- Bizdə videoanaliz edən məşqçi var və o, tribunada olur. Oyun ərzində nə baş verirsə, onu göstərmək üçün bura gəlir. Daha çox vaxt qazanmaq üçün ora gedirəm ki, seçim edək. Futbolçulara da göstərirəm ki, hansı məqamları inkişaf etdirməliyik.

KƏNAN BAHADIR