“Adil o vaxt da komandanı yığa bilmədi, “altını vurdu” – “Xəmsə” qəzəblidi
Mövsüm başa çatandan sonra yeni rəhbərlik və sponsor cəlb olunan “Kəpəz”in avrokuboklar uğrunda mübarizə aparacağı təxmin edilirdi. Lakin azarkeşlər transferlədən və çempionatın ilk iki turundan sonra nəinki avrokuboklara vəsiqəyə ümidlidi, hətta elitada qalmağa möcüzə kimi baxır.
“Football-plus.az” mövcud durumla bağlı “Xəmsə”nin rəhbərlərindən Müşfiq Məmmədovla əlaqə saxlayıb:
“Yoxlama oyunlarındakı qolları da saysaq, beş oyuna 16 qol buraxmışıq. Deyə bilərlər ki, hazırlıqdı. Çox komandanın bizim qədər pulu yoxdu. Hazırlığa da bizdən gec başlayıblar. Amma ortaya nəticə qoyublar. O futbolçuları transfer edənlərin hamısı cavab verməlidi. Adil o vaxt da komandanı yığa bilmədi, “altını vurdu”, indi də hər şey göz qabağındadı. Oyunçular mövqeyində oynamır, deyirlər ki, pisdilər. Oyunçularda heç bir günah yoxdu. Üç ay ərzində komanda formalaşmayıbsa, 10 oynaya bilən futbolçu yığa bilməyiblərsə, günah özlərindədi”.
MÜZƏFFƏR QULUZADƏ
Digər xəbərlər
