“Hansısa klubun yeni oyunçular alması çempion olacağı mənasını vermir. Komandalar transferə görə çempionluq mübarizəsində olmurlar. “Qarabağ” sistem komandasıdı. Yeni transferlər də sistemə uyğun alınıb. Bunu biz yoxlama görüşündə də gördük. Savo het-trik etdi. Gələn mövsüm rəqabətə tam hazır olacağını düşünürəm. Könül istərdi ki, “Neftçi”də bu mübarizəyə qoşulsun. Yeni transferlər ediblər. Sadəcə sistemə ehtiyac var. Ümid edirəm ki, Vernidub bu problemi də ortadan qaldıracaq. “Sabah” da yaxşı transferlər edib. Klubun maliyyə durumu da yaxşıdı. Sabitliyi qorusalar, bu il də çempion adına sahib ola bilərlər. “Zirə” və “Turan Tovuz” da bu mübarizəyə qoşulmalıdı. Bildiyiniz kimi, “Zirə” “Turan Tovuz”la bağlı məlum məsələyə görə Konfrans Liqasında iştirak edəcək. Qrupa düşsə, çox şey əldə edə bilər. Komanda bir neçə əsas heyət oyunçusu ilə də vidalaşıb. Dediyim kimi, qrupa düşsə, çox şey bacara bilər. “Turan Tovuz”a xarakter lazımdı. Həm məşqçi, həm də futbolçular inamlı olmalıdılar, növbəti mövsümə hazırlaşmalıdılar”.