“İnamlı qələbə qazandılar. İkinci hissədə daha yaxşı oynadılar. Bəlkə də bu “Neftçi”nin yorğunluğundan irəli gəlirdi. Ya da “Sabah”ın daha sürətli, dinamik oyunundan. Bu oyun göstərdi ki, “Neftçi” müdafiədə nə qədər səhv buraxdı. Matç böyük hesabla da bitə bilərdi. “Sabah” yaxşı oyun sərgilədi. Yaxşı oyunçuları var. İstər Mikels, istər İsayev, istərsə də Maluda. Bir neçə oyundu izləyirəm, gənc olsa da, cinahda özünü yaxşı tərəfdən göstərə bilir. Amma bu o demək deyil ki, “Sabah” “Qarabağ”la çempionluq mübarizəsi aparacaq. Ooyun planında sabitlik yoxdu. Rəqib müdafiəsində səhvlər axtarırlar ki, bundan istifadə etsinlər. Murad Musayevdən sonra ən yaxşı mövsümlərini keçirirlər. Umarali Raxmonaliyev də dayaq yarımmüdafiəçisi kimi yaxşı təsir bağışlayır. Çempionluq uğrunda danışmaq üçün tezdi. 2-ci ola bilərlər. Belə davam etsələr, şansları var. Maraqlı oynayırlar, amma hələ “Qarabağ”a rəqib ola biləcəklərini düşünmürəm”.