“Neftçi” çempionluq uğrunda mübarizəyə qoşuldu? - baş məşqçi iddialı danışdı
Kişi basketbolçular arasında ölkə çempionatında 14-cü tur start götürüb.
“Football-plus.az” xəbər verir ki, “Sabah”la qarşılaşan “Neftçi” gözlənilmədən inamlı qələbə qazanıb – 101:87. Bu, "bayquşlar"ın Rimas Kurtinaytisin rəhbərliyi altında ilk məğlubiyyəti olub. Görəsən, “Neftçi”nin bu qələbədən sonra çempionluq uğrunda mübarizəyə qoşulduğunu deyə bilərikmi? “Football-plus.az” olaraq, həm “ağ-qaralar”ın baş məşqçisi Anar Sarıyev, həm də oyunçularından Ulaş Turqut ilə əlaqə saxlayıb, fikirlərini öyrəndik.
Anar Sarıyev:
"Bizdə istək daha çox idi. Uşaqlar əzmkar oyun göstərdi. Komanda kimi sona qədər mübarizə apardıq. Hələ ki çempionluq haqda düşünmürük. Əsas hədəfimiz pley-offa vəsiqə qazanmaqdı. Daha sonra necə olacağını deyə bilərik".
Ulaş Turqut:
"Düşünürəm ki, bunu iki yeni oyunçumuzla aramızdakı yaxşı ünsiyyətə borcluyuq. Komanda olaraq, hər zaman matçlarda birlikdə oynamağa çalışırıq. Komandada ailə ab-havası var. Hər kəs rahatdı və əlindən gələni edir. Ona görə də nəticələr bizə müsbət təsir göstərir. Bura gələndə çempionluq üçün gəlmişdim. Hədəflərimdə elə də böyük dəyişiklik olmayıb. İndi də eyni şəkildə liqada qalib gəlməyə davam etmək istəyirik".
GÜNAY SÜLEYMANOVA
Digər xəbərlər
