Mahir “Seul”a gedir, ya yox? - “Nürnberq”in idman direktorundan müdrik cavab
Mahir Emrelinin “Nürnberq”i “Seul”a dəyişib-dəyişməyəcəyi haqda sualın cavabı həm bu bu komandaların azarkeşləri, həm də Azərbaycan futbol ictimaiyyəti üçün maraqlıdı.
“Football-plus.az” xəbər verir ki, “Bild” bu məqama aydınlıq gətirmək məqsədilə 2-ci bundesliqa təmsilçisinin idman direktoru Yoti Çatzialexiouyla əlaqə saxlayıb. Funksioner almaniyalı həmkarlarımızın soğrusuna cavab olaraq bildirib ki, Koreya təmsilçisiylə klub arasında danışıqlara start verilməyib:
“Hələ ki bu yöndə yenilik yoxdu. Mahir düşərgəmizdədi və məşqlərdə iştirak edir. O, indi “Seul”dan gələ biləcək təklifi yox, komandanın növbəti tur çərçivəsində matçında oynayıb-oynamayacağını götür-qoy etməli və qərarına uyğun addımlar atmalıdı. Biz onun qollar vurmasını istəyirik”.
Xatırladaq ki, “Bild”in iddiasına görə, “Nürnberq” Mahiri heyətində görmək istəyən klubların 500 min avro ödəməli olduğunu bildirib. “Nürnberq” martın 3-də keçiriləcək 24-cü tur matçında “Hannover 96”nı qəbul edəcək.
KƏNAN BAHADIR
Digər xəbərlər
