“Araz-Naxçıvan” daha bir transferini açıqlayıb.

"Football-plus.az" xəbər verir ki, Naxçıvan təmsilçisi Alberto Qarsia Fernandeslə anlaşıb. İspaniyalı yarımmüdafiəçi yeni mövsümdə “qırmızı-ağlar”ın formasını geyinəcək. Müqavilənin müddəti 1 ildi.

26 yaşlı futbolçu “Real”ın (Madrid) yetirməsidi. Yarımmüdafiəçi müxtəlif illərdə vətənində "Real"ın B komandası olan “Kastilya”, “Fuenlabrada”, UKAM, “Sabadel”, “Rayo Maxadaonda”, eləcə də Kiprin “Omoniya” və “Akritas Xloraka” klublarının formasını geyib. A. Fernandes 2017-ci ildə İspaniya U-19 millisinin heyətində 1 oyunda meydana çıxıb.

Qarsiya 2018-2020-ci illərdə "Kastilya"da 31 oyuna 3 qol vurub.

“Araz-Naxçıvan” buna qədər Tərlan Əhmədli, Ömər Buludov, Slavik Alxasov, İbrahim Piriyev, Ülvi İsgəndərov, Rəşad Həsənovla yeni müqavilə imzalayıb, Luka Dumançiçi isə heyətinə cəlb edib.