Məlum olduğu kimi DÇ-2026 hakim qalmaqalı ilə başladı. FİFA tərəfindən bu turnir üçün seçilən hakimlərdən biri olan somalili Omar Artan Mayami Beynəlxalq Hava Limanında qarşılaşdığı viza problemi üzündən ABŞ-yə buraxılmadı.

O, miqrasiya xidməti işçiləri tərəfindən hava limanında 11 saat sorğu-sual edildi. Diplomatik vəsiqəsi və bir girişlik ABŞ vizası olmasına baxmayaraq 34 yaşlı hakimin ölkəyə girişinə icazə verilmədi.

İddialara inansaq, ABŞ-nin bir hökumət rəsmisinin sözlərinə görə bu addımın səbəbi kimi Artanın terror qruplarının üzvləri ilə şübhəli əlaqələrinin olması göstərilib. Hakim vətəninə qayıtdıqdan sonra bildirdi ki, həqiqətən də hava limanında ona Somalidə fəaliyyət göstərən ''Əl-Şabab'' qruplaşması ilə əlaqələrinin olub-olmaması barədə uzun-uzadı suallar verildi. Hakim bu qruplaşma haqda heç bir məlumatının olmadığını deyərək bütün iddiaları rədd etdi.

Başına gələnlər haqda danışarkən Artan bunları deyib:

ABŞ-a buraxılmadıqdan sonra təyyarə ilə Türkiyəyə göndərilən Artan burda əvvəlcə FİFA rəsmiləri görüşüb dərdləşdikdən sonra Somalinin paytaxtı Moqadişuya yollandı. Maraqlıdı ki, o, vətənində əsil qəhrəman kimi qarşılandı. Ötən il Afrika Çempionlar Liqasının finalını idarə edən, eləcə də öz qitəsində ilin hakimi seçilən Artana jestlər davam edir.

Məlum olduğu kimi FİFA bu günlərdə bu ədalət təmsilçisinin Avropa superkuboku uğrunda oyuna təyinat aldığını açıqlamışdı. Artan DÇ-də oyun idarə edən ilk somalili hakim olmaq fürsətini əldən versə də, əvəzində Avropa superkubokunu idarə edən ilk afrikalı hakim kimi tarixə düşmək şansı qazanıb.

İndi də məlum olub ki, FİFA bu hakimin DÇ üçün nəzərdə tutulan bütün qonorarlarını son qəpiyinə qədər ödəyəcək.