Basketbol üzrə Avroliqanın oyunlarının idarəçiliyinə cəlb olunan Matey Boltauzer Belqraddakı Nikola Tesla adına hava limanında ətir oğurladığına görə birmövsümlüyə cəzalanıb.

Sloveniyalı hakim Avroliqanın 2024/25 mövsümü üçün referilər siyahısına salınmayıb. O, yalnız mövsümlərarası dövrdə hakimliyə qayıtmaqla bağlı ərizə ilə müraciət edə bilər.

Bu hadisə ötən il dekabrın 5-də baş verib. Sloveniyalı ədalət təmsilçisi “Partizan” – “Monako” oyunundan sonra vətənə qayıdarkən hava limanında dəyəri 221 avro olan “Tom Ford” ətrini oğurlamağa cəhd edib. Matey saxlanılandan sonra günahını boynuna alıb və dəyən zərəri ödəyib. Bununla belə, Avroliqanın müvafiq qurumu intizam araşdırmasına başlayıb.