Məlum olduğu kimi kimi dünən ''Fənərbaxça''da Joze Mourinyo dönəmi rəsmən başa çatdı.

Uğursuz nəticələrdən savayı zəif oyun və birmənalı qarşılanmayan açıqlamalar ünlü portuqaliyalı mütəxəssisə baha başa gəldi. Amma Mourinyo belə desək, həyatdan zövq almaqda davam edəcək. Çünki təzminatı 9 milyon avroya bərabərdi və o, ən azı başqa klubla anlaşana qədər bu pulu almaqda davam edəcək.

Bu arada bu gün yerli vaxtla saat 11.00-da Mourinyo İstanbul hava limanında görüntülənib. Kiçik bir çantasını qoltuğuna vuran tanınmış məşqçinin tək olması diqqət çəkib. Beləcə bir il öncə İstanbulda böyük izdiham və minlərlə futbolsevər tərəfindən qarşılanan Mourinyo bu şəhəri tək-tənha və səssiz-sədasız şəkildə tərk edib!

Hava limanında bir qədər gözlədikdən sonra o, jurnalistlərə heç bir açıqlama vermədən Portuqaliyaya uçan təyyarəyə minib. Mourinyo hava limanında onunla şəkil çəkdirmək arzusunda olanların istəyini geri çevirməyib.