''Beşiktaş''ın gənc forvardı Mustafa Həkimoğlu maraqlı bir olayla gündəmə gəlib.

"Football-plus.az" xəbər verir ki, istedadlı futbolçu sürət limitini aşdığı üçün radara yaxalanıb və polislər tərəfindən saxlanılıb.

''A Spor'' kanalının xəbərinə görə Mustafa ailə üzvlərini ziyarət etmək üçün Bingölə yollanıbmış. Daha sonra isə Bingöldən Elazığa yollanmalı olub. Sürət limitini də məhz burda aşıb. Sürəti saatda 163 kilometrə çatan İstanbul nəhənginin üzvü Elazığın Kovancılar kəndində radara yaxalanıb. Onun maşını bir qədər sonra polislər tərəfindən saxlanılıb. Mustafanın sürücülük vəsiqəsi 30 günlüyə əlindən alınıb. Bundan başqa ona 20 min lirə para cəzası da verilib. Sonradan məlum olub ki, bu futbolçu şəkər xəstəsi olan nənəsini xəstəxanaya çatdırmaq üçün sürət limitini aşmalı olub. Ancaq bu məqam onu cərimədən azad etməyib.