İki çəki dərəcəsində sabiq UFC çempionu Konor Makqreqor (22-6) 2022-ci ilin martında maşın sürərkən yaşanan qalmaqala görə həbs cəzasından qurtula bilib.

O, həmin vaxt maşını təhlükəli idarə etdiyini görə İrlandiyada saxlanılmışdı: qırmızı işıqda yolu keçərək sürət həddini də aşmış, başqa maşınla toqquşmadan çətinliklə qaçmışdı.
İrlandiyalı hakimiyyət orqanları ilə anlaşa bilib.

“Irish Mirror”un yazdığına görə, Konor 5 aylıq şərti cəzaya razılaşıb, həmçinin 5 min avro cərimə də ödəməlidi. Ona qarşıdakı iki il ərzində maşın sürmək qadağası da qoyulub. Məşhur döyüşçü maşını sürücülük vəsiqəsi və sığorta olmadan idarə etməkdə də suçlanırdı. Ancaq Konoq lazımi sənədləri təqdim etdiyinə görə həmin ittihamlar üzərindən götürülüb.

Bu, Makqreqorun maşın sürməsi ilə bağlı ilk qalmaqal deyil. 2018-ci ildə də sürət həddini aşdığına görə 1000 dollar cərimə ödəməklə yanaşı, 6 aylığa sürücülük hüququndan məhrum olunmuşdu. Makqreqor iyunun 29-da UFC 303 turniri çərçivəsində Maykl Çendler (23-8) ilə döyüşməliydi, ancaq ayaq barmağını zədələdiyinə görə bu mümkün olmadı.