“Məsələyə məntiqlə yanaşaq. Maliyyə problemi yoxdusa, niyə oynamaq istəməyək?! Uşaqlara haqsızlıq var idi. Maaş verilmir. 2-ci dövrədən sonra mövcud durumu nəzərə alıb, aşağı maaşla razılaşdıq. Mənim başqa layihəm də var idi deyə, təklifləri ilə razılaşdım. Oyundan-oyuna maaş verilməli idi. 2-3 oyun aldıq, sonra verilmədi. Son 3 oyun üçün pul verilməyib. Rəhbərliyə güvənmədiyimiz üçün oyuna çıxmadıq. Əvvəldən də borcları var. Dedim ki, necə güvənək? Klubun 1000 manat, 500 manat borclu olduğu futbolçular var. Razılaşmadıq. Dedik ki, son iki oyunun pulu verilsin. Mənə kapitan olaraq futbolçular dedilər ki, rəhbərliklə danış. Mən onlara çağırış etməmişəm. Özləri yaxınlaşıblar ki, fikrini bildir, pulumuz verilsin. Rəhbərliyin etdiyi yaxşı hərəkət deyil. Başqa futbolçulara deyiblər ki, Rəsulgilə çatacaq pulu sizə verəcəyik, gəlin oynayın. Uşaqların haqqı var, tər töküblər. İnsanlıqdan xaric məsələlər olub. Deyirlər ki, maaşları vermişik? Sübut var? Varsa, qəbz göstərsin. Bunlar sözlə olmur”.

“Məsələ bir az başqadı. Oyunçulara yanlış məlumat verib. Kapitan hər oyunçuya zəng vurub, hərəsinə ayrı-ayrı söz deyib. Aprelin maaşını tam vermişik. Sübutlarımız da var. Maraqlanın, aprelin maaşını hansı komanda verib? Çünki federasiya hələ pulu köçürməyib. Mayın, 17 günün, iki oyunun pulunu verməmişik. Ən son maaşını 60 gün əvvəl aldıqda şikayət edə, oyuna çıxmaqdan imtina edə bilər. Bizdə belə problem olmayıb, maaş gecikməsi də olmayıb. May qutarmayıb ki. Buna qədər də gecikmə olmayıb. Maraqlandıq, öyrəndik ki, Rəsul İbrahimov “Araz Saatlı”da və başqa komandalarda da belə problemlər yaradıb. Sən demə, adamın xarakteri belə imiş. Məcburiyyətdən bu oyunçu qalıb. Birinci dövrədə sponsor problemi oldu, heyəti onlar qurmuşdu”.

“Heç kimə belə borcumuz yoxdu. Yəqin onu nəzərdə tutur ki, sponsorun idarəçiliyi dövründə olan borclar var, onları vermişik məhkəməyə, futbolçulara da demişik ki, müqaviləni bizlə bağlamamısız. Amma pulu ala bilsək, qaytaracağıq. Zəng edib digər futbolçulardan da soruşa bilərsiz, maaşla bağlı problem olmur. Rəsul burda da yalan deyir. AFFA nə vaxt pulu köçürsə, onda da pulu ödəyəcəyimizi demişik. İndi özünə bəraət qazandırmaq üçün deyir ki, oyundan-oyuna. Lap oyundan-oyunadı. İki oyunun pulu qalıb, dağıdacaq nə var? Əslində elə şeylər ediblər ki, adam mediaya bu haqda açıqlama verməyə də utanır. Sizə deyir ki, 2 oyunluq alacağım var, bizə elekton məktub göndərib ki, 2400 manat borc var. Bizim onun kart hesabına etdiyimiz ödənişlərin ekran görüntüsü var. Yazışmalar da qalıb”.