Bundesliqanın son turunda intriqa yalnız ÇL-ə sonuncu vəsiqə və elitada qalmaq uğrunda yaşanırdı.

"Football-plus.az" xəbər verir ki, bu mövsüm rəqiblərini sanki top atəşinə tutan “Bavariya” motivasiyasız olmasına baxmayaraq, “Köln”ə də rəhm etmədi. Münhen nəhəngi bu mövsüm bundesliqada 9-cu dəfə bir oyunda ən azı 5 qol vurdu! Formal xarakter daşıyan daha bir qarşılaşmada Dortmund “Borussiya”sı Bremeni fasilədən sonra vurduğu qollarla fəth etdi. Avropa Liqasının finalına hazırlaşan “Frayburq”un bürünc medalları təmin edən “Leyptsiq”i darmadağın etməsi diqqəti çəkdi. Bu, “Frayburq”un noyabrdan bəri ilk böyükhesablı qələbəsi oldu.

Maraqlıdı ki, 4-cü pilləyə namizəd olan iki komandadan heç biri qalib gələ bilmədi. “Hoffenhaym”ın, ümumiyyətlə, motivassiyasız Münhenqladbax “Borussiya”sı önündə pərən-pərən düşməsi turun əsas sürprizi oldu. Halbuki “kəndçilər” qalib gəlsəydilər, mövsümü 4-cü pillədə bitirəcəkdilər. Çünki “Ştutqart” Frankfurtda iki topluq üstünlüyü əldən verərək yalnız heç-heçə ilə kifayətlənməli oldu. Hərçənd “Hoffenhaym” artıq çarəsiz durumda olmasaydı, bəlkə heç “Ştutqart” da qələbəni əldən verməzdi. İsənilən halda ÇL-ə son vəsiqə şvabiyalılara qismət oldu. “Bayer-04” son turda evdə “Hamburq”la “sülh”ə razı oldu. “Hoffenhaym”la “Bayer-04” gələn mövsüm Almaniyanı Avropa Liqasında, “Frayburq” isə ən azı Konfrans Liqasında təmsil edəcək. “Frayburq”un ÇL-də oynamaq şansı da davam edir. Bunun üçün AL-in finalında “Aston Villa”nı yenmək tələb olunur.

Son həftələrdə böyük yüksəlişə nail olan “Haydenhaym” gözlənilmədən evdə motivasiyasız “Maynts-05”ə uduzmaqla elita ilə vidalaşmalı oldu. Qayadan yuvarlanmaq üzrə olan “Volfsburq” isə “Sankt Pauli” səfərində bəlkə də mövsümün ən vacib qələbəsini qazanaraq pley-offa vəsiqə əldə etdi. “Sankt Pauli” elitanı tərk edən ikinci komanda oldu. “Volfsburq” isə pley-offda 2-ci bundesliqanın üçüncüsü, yəni “Paderborn” ilə qüvvəsini sınamalı olacaq.

34-cü tur
Bavariya – Köln 5:1
Keyn, 10; 13; 69. Bişof, 22. Cekson, 83 – Əl-Mala, 18. (75000)
Bavariya: Noyer (Urbiq, 60), Laymer (Stanişiç, 46), Upamekano, Ta, Bişof, Kimmix, Qoretska (Cekson, 83), Karl (Olise, 61), Musiala (Gerreyro, 70), Dias, Keyn.
Verder – Borussiya D 0:2
Girassi, 59. Kouto, 90+5. (42000)
Borussiya: Kobel, Ryuyerson (Kouto, 88), Reccyani, Anton, Şlotterbek, Svensson, Nmeça, Bellingem (Adeyemi, 83), İnasio (Çukvuemeka, 70), Bayer (Brandt, 70), Girassi (F.Silva, 83).
Bayеr-04 – Hamburq 1:1
Kuansa, 78 – Vieyra, 61. (30210)
Bayer-04: Flekken, Kalbret (Artur, 62), Kuansa, Andrix (Ben Segir, 62), Tapsoba, Qrimaldo, Palasios, A.Qarsiya (Vaskes, 84), Maza, Tillmann (Hofmann, 62), Şik.
Ayntraxt F – Ştutqart 2:2
Burkardt, 72; 90+2 – Andres, 10. Narti, 45+4. (59400)
Ştutqart: Nübel, Levelinq, Hendriks, Şabo, Mittelştadt (Jak, 73), Fürix (Vaqnoman, 73), Andres, Ştiller, Narti (Yeltş, 87), Demiroviç (Tomas, 86), Dəniz Undav.
Frayburq – Leyptsiq 4:1
Beste, 24. Matanoviç, 26. Ginter, 47. Şerhant, 75 – Uedraoqo, 33. (33600)
Leyptsiq: Qulaçi, Henrixs (Baku, 63), Orban, Lukeba, Finkqrafe, Baumqartner, Uedraoqo, Zayvald (Qomis, 73), Diomande (Bayakoyo, 80), Qruda (Nusa, 63), Harder (Romulo, 73).
Borussiya M – Hoffenhaym 4:0
Bolin, 14. Tabakoviç, 23. Diks, 81. Hak, 90+1. (53033)
Union – Auqsburq 4:0
İliç, 10; 42. Şafer, 54. Con Vu Yon, 89. (22012)
Sankt Pauli – Volfsburq 1:3
Sisey, 57 – Kulierakis, 37. Vasil, 64-öz qapısına. Peyçinoviç, 80. (29546)
Haydenhaym – Maynts-05 0:2
Tits, 7. Əmiri, 43. (15000)

yekun cədvəl
1. Bavariya 34 28 5 1 122-36 89
2. Borussiya D 34 22 7 5 70-34 73
3. Leyptsiq 34 20 5 9 66-47 65
4. Ştutqart 34 18 8 8 71-49 62
5. Hoffenhaym 34 18 7 9 65-52 61
6. Bayer-04 34 17 8 9 68-47 59
7. Frayburq 34 13 8 13 51-57 47
8. Ayntraxt F 34 11 11 12 61-65 44
9. Auqsburq 34 12 7 15 45-61 43
10. Maynts-05 34 10 10 14 44-53 40
11. Union 34 10 9 15 44-58 39
12. Borussiya M 34 9 11 14 42-53 38
13. Hamburq 34 9 11 14 40-54 38
14. Köln 34 7 11 16 49-63 32
15. Verder 34 8 8 18 37-60 32
16. Volfsburq 34 7 8 19 45-69 29
17. Haydenhaym 34 6 8 20 41-72 26
18. Sankt Pauli 34 6 8 20 29-60 26

Bombardirlər: Keyn (Bavariya) – 36, Dəniz Undav (Ştutqart) – 19, Girassi (Borussiya D) – 17, Şik (Bayer-04) – 16.

Turun rəqəmi
122 – bunu tək turun yox, bütövlükdə mövsümün rəqəmi də adlandırmaq olar. “Bavariya” mövsümü 122 qolla tamamladı. “İsti-isti” bəlkə də bunun necə böyük bir göstərici olduğunu dərk etmək olmur. Amma bütün mövsümü orta hesabla hər oyuna 3,5 qol ilə tamamlamaq həqiqətən də fenomenal uğurdu. Bundesliqanın əvvəlki rekordu (1971/72, 101 qol) 50 ildən çox yaşadısa, bu rekordun neçə il davam edəcəyini təsəvvür etmək belə çətindi. 122 qol XXI əsrdə bütövlükdə “böyük beşliy”in yeni rekordudu. Əvvəlki ən yaxşı göstərici 2010/11-də La Liqanı (38 oyuna) 121 qolla tamamlayan Joze Mourinyonun “Real”ına məxsus idi. “Böyük beşlik” tarixində isə “Bavariya” ikinci pilləyə yüksəldi. Yalnız 1947/48-də “Torino” (40 oyuna) bundan daha çox – 125 qol vurub.

Turun ulduzu
Harri Keyn (Bavariya) – ingiltərəli “qol maşını” mövsümü 4-cü het-triklə tamamladı. O, Almaniya karyerasında keçirdiyi 3 mövsümün hər birində bombardir olub! Keyn 2023/24-ü 36, 2024/25-i 26 qolla tamamlamışdı. Təcrübəli hücumçu bütün turnirləri nəzərə alsaq, cari “futbol ili”ndə 50 oyunda 58 qol vurub. Bu, “Bavariya” tarixinin yeni rekordudu. Levandovski 2019/20-də bütün turnirlərdə 55 qol vurmuşdu. Yeri gəlmişkən, Keyn həm də turnirin tarixində ən azı iki fərqli mövsümdə 36 qol həddinə çatan 2-ci futbolçu oldu. Daha öncə bunu (3 fərqli mövsümdə) Herd Müller bacarıb.

Turun sitatı
Vensan Kompani, “Bavariya”nın baş məşqçisi: