Bundesliqada son tur məhsuldar alındı və qapılara 38 qol vuruldu.

“Football-plus.az” xəbər verir ki, yeri gəlmişkən, bu mövsüm bundesliqada hər oyuna orta hesabla 3,22 qol vuruldu. Yəni son 37 ilin ən məhsuldar mövsümünü geridə qoyduq. Sonuncu dəfə orta hesabla bundan daha çox (3,24) qol 1986/87-də vurulmuşdu.

Son həftələrdə heç-heçə xəstəliyinə tutulan “Leyptsiq” mövsümü Frankfurt səfərində bərabərliklə başa vurdu. Şeşkonun ardıcıl 7-ci turda fərqlənməsi diqqəti çəkdi. Sloveniyalı forvard bunu 20 yaş 353 günlüyündə bacardı və turnirin tarixində ardıcıl 7 oyunda qol vuran ən gənc futbolçuya çevrildi! Bu göstəricidə əvvəlki rekordu (22 yaş 322 gün) 1983-də Rudi Föller müəyyənləşdirmişdi. “Haydenhaym” önündə darmadağın olan “Köln” beşillik fasilkədən sonra elitanı tərk etdi. Komanda zatən qalib gəlsəydi də bu aqibətlə üzləşəcəkdi. Çünki “Union” son saniyələrdə vurduğu qolla “Frayburq”u məğlub etdi. Bu dramatik qələbə paytaxt təmsilçisinə həm də 15-ci pilləyə yüksəlməyə imkan verdi. Pley-off zonasına, yəni 16-cı pilləyə isə “Verder” önündə darmadağın olan “Bohum” yuvarlandı. Beləliklə, gələn, mövsüm elitada çıxış etmək uğrunda pley-off qarşılaşmasında “Bohum” ilə 2-ci bundesliqanı 3-cü pillədə başa vuran “Fortuna” üz-üzə gələcək.

ÇL-in finalçısı Dortmund “Borussiya”sı mövsümü asan qələbə ilə tamamladı. “Arılar” mövsümün ən zəif komandası “Darmştadt”ı 4 cavabsız qolla “yola saldılar”. Roys komandasının heyətində sonuncu bundesliqa matçında əla təsir bağışladı. Təcrübəli futbolçu əvvəlcə hesabına məhsuldar ötürmə yazdısa, çox keçmədən cərimə zərbəsindən mükəmməl qol vurdu. “Sarı divar”ın tribunada onun üçün yaratdığı performansı görməyə dəyərdi. Roys bundesliqada 391-ci oyunda yaxından iştirak etdiyi qolların sayını 251-ə çatdırdı (156 qol, 95 məhsuldar ötürmə). O, turnirdə debüt etdiyi 2009-un avqustundan bu yana bu göstəricidə yalnız 2 futbolçudan – Tomas Müller (318) və Robert Levandovskidən (367) geri qalır. “Bavariya” kabus kimi keçən mövsümün son oyununda da əsil kabus yaşadı. Komanda Zinshaymda fasiləyə öndə yollansa da, ikinci hissədə pərən-pərən düşdü. Müller münhenlilərin heyətində 473-cü bundesliqa matçına çıxmaqla bu göstəricidə klub tarixində ilk pillədə qərarlaşan Zepp Mayerin rekordunu təkrarladı. Bu məğlubiyyət üzündən “Bavariya” hətta 3-cü pilləyə gerilədi. Çünki “Ştutqart” parlaq keçirdiyi mövsümü parlaq qələbə ilə tamamladı. Şvabiyalılar Münhenqladbax “Borussiya”sına futbol dərsi keçdilər. Aktivinə daha 2 top yazan Girassi mövsümü 28 qolla tamamladı və bombardirlər yarışında yalnız Keyndən geri qaldı. Girassi həm də mövsümdə 12-ci dəfə hesabı 1:0 edən qolu vurmaqla Ştefan Kisslinq (2012/13), Aylton (2003/04) və Herd Müllerə (1969/70) məxsus rekordu təkrarladı. Yeri gəlmişkən, ötən mövsümü 16-cı pillədə başa vuran “Ştutqart” bu dəfə 14 pillə irəliləyərək gümüş medalların sahibi oldu. Bu, həm də turnirin rekordunun təkrar olnması deməkdi. Daha öncə əvvəlki mövsümlə müqayisədə 14 pillə irəliləməyi yalnız “Verder” bacarmışdı. “Musiqiçilər” 1966/67-də 16-cı, 1967/68-də isə 2-ci olmuşdular. Bu statistikada ardıcıl iki mövsüm əsas götürülür. Almaniya futbolunun yeni kralı “Bayer-04” son turu fanatları önündə qələbə ilə başa vurdu. Komanda mövsümü 90 xalla tamamladı. Bu, turnirin tarixinin 2-ci ən yaxşı göstəricisidi. Yalnız 2012/13-də “Bavariya” bundan daha çox (91) xal toplayıb. Bundan başqa “Bayer-04” 34 turun 33-də qol vurmağı bacardı. Onlar yalnız 19-cu turda Münhenqladbax “Borussiya”sının qapısına yol tapa bilmədilər (0:0).

34-cü tur
Hoffenhaym – Bavariya 4:2
Bayer, 8. Kramariç, 68; 85; 87 – Tel, 4. Devis, 6. (30150)
Bavariya: Noyer, Kimmix, De Liqt, Dayer, Upamekano, Devis, Laymer, Pavloviç (Zvonarek, 35), Müller, Qoretska, Tel (Saraqosa, 81).

Bayer-04 – Auqsburq 2:1
Bonifas, 12. Andrix, 27 – Mərt Kömür, 62. (30210)
Bayer-04: Qradetski, Frimponq (Stanişiç, 82), Kossunu, Ta, Tapsoba, Qrimaldo (İnkapye, 70), Andrix, Palasios (Caka, 70), Hofmann, Adli (Virts, 63), Bonifas (Şik, 63).

Borussiya D – Darmştadt 4:0
Maatsen, 30. Roys, 38. Brandt, 72. Malen, 88. (81365)
Borussiya: Kobel, Ryuyerson (Volf , 73), Hummels, Şlotterbek, Maatsen, Zabitser, Əmrə Can, Roys (F.Nmeça, 82), Sanço (Bayno-Gittens, 73), Adeyemi (Malen, 61), Füllkruq (Brandt, 61).

Ayntraxt F – Leyptsiq 2:2
Ekitike, 60. Marmuş, 77-p. – Simons, 42-p. Şeşko, 46. (57500)
Leyptsiq: Blasvix, Klostermann, Orban, Lukeba, Henrixs (Bitşiabu, 90), Zayvald, Aydara (Kampl, 90), Elmas (Baumqartner, 74), Simons (Norbye, 90+12), Şeşko (Jatta, 90+12), Openda.

Ştutqart – Borussiya M 4:0
Girassi, 23; 31. Çon Vu Yon, 75. Katompa Mvumpa, 83. (60058)
Ştutqart: Nübel, Levelinq (Ştensel, 57), Anton, İto (Ruo, 80), Mittelştadt, Ştiller, Karazor (Çon Vu Yon, 57), Miyo, Fürix (Katompa Mvumpa, 57), Dəniz Undav, Girassi (Haraquçi, 85).

Union – Frayburq 2:1
Hollerbax, 68. Haberer, 90+2 – Doan, 85. (22012)

Verder – Bohum 4:1
Fridl, 6. Yunq, 78. Staqe, 80. Şmid, 87 – Antvi-Acei, 85. (42100)

Volfsburq – Maynts-05 1:3
Paredes, 18 – Qruda, 24. Van den Berq, 71. Burkardt, 85. (26627)

Haydenhaym – Köln 4:1
Ərən Dinkçi, 16; 22. Sessa, 36. Beste, 78 – Tiqqes, 64. (15000)

Yekun cədvəl
1. Bayer-04 34 28 6 0 89-24 90
2. Ştutqart 34 23 4 7 78-39 73
3. Bavariya 34 23 3 8 94-45 72
4. Leyptsiq 34 19 8 7 77-39 65
5. Borussiya D 34 18 9 7 68-43 63
6. Ayntraxt F 34 11 14 9 51-50 47
7. Hoffenhaym 34 13 7 14 66-66 46
8. Haydenhaym 34 10 12 12 50-55 42
9. Verder 34 11 9 14 48-54 42
10. Frayburq 34 11 9 14 45-58 42
11. Auqsburq 34 10 9 15 50-60 39
12. Volfsburq 34 10 7 17 41-56 37
13. Maynts-05 34 7 14 13 39-51 35
14. Borussiya M 34 7 13 14 56-67 34
15. Union 34 9 6 19 33-58 33
16. Bohum 34 7 12 15 42-74 33
17. Köln 34 5 12 17 28-60 27
18. Darmştadt 34 3 8 23 30-86 17
Bombardirlər: Keyn (Bavariya) – 36, Girassi (Ştutqart) – 28, Openda (Leyptsiq) – 24, Dəniz Undav (Ştutqart) – 18.

Turun rəqəmi
1 – “Bayer-04” dillərə dastan olacaq bir mövsümü geridə qoydu. 34 turu 28 qələbə, 6 heç-heçə ilə başa vuran Leverkuzen təmsilçisi bundesliqa tarixində bir mövsümü uduzmadan tamamlayan ilk komanda oldu! Qeyd edək ki, XXI əsrdə “böyük beşlik”də “Bayer-04”ə qədər cəmi iki dəfə belə hal baş vermişdi. “Arsenal” 2003/04-də premyer-liqanı, “Yuventus” isə 2010/11-də A seriyasını məğlubiyyətsiz tamamlamışdı.

Turun ulduzu
Andrey Kramariç (Hoffenhaym) – “Bavariya” hər nə qədər motivasiyasız olsa da, münhenlilərlə oyunda het-trik etmək “hər oğulun işi deyil”. Kramariç bu tur bunu bacardı. Özü də təcrübəli xorvatiyalı forvard 3 qolu 21 dəqiqəyə sığışdırdı. “Hoffenhaym”da 9-cu mövsümünü keçirən Kramariç bundesliqada ümumilikdə 4-cu dəfə bir oyunca ən azı 3 qol vurdu.

Turun sitatı
Manuel Noyer, “Bavariya”nın kapitanı: