Açılış oyununda “Hoffenhaym” “Auqsburq” səfərində geridönüş etsə də, bu, yalnız 1 xal üçün kifayət etdi. Son 7 turda yalnız bir qələbəsi olan “kəndçilər” artıq 6-cı pilləyə geriləyib. Halbuki komanda bir neçə həftə öncə 3-cü pillədə idi.

Bu mövsüm “Bavariya”dan başqa heç kimə uduzmayan Dortmund “Borussiya”sı “sarı divar”önündə gözlənilmədən “Bayer-04”ə minimal hesabla boyun əydi. “Arılar” 13 aydan sonra ilk dəfə bundesliqada meydanı qolsuz tərk etdilər. Komanda sonuncu dəfə bu aqibətlə ötən ilin martında “Leyptsiq” səfərində üzləşmişdi (0:2). “Bavariya” rəqiblərini top atəşinə tutmaqda davam edir. Yüngül zədəsi olan Keyni “Real” ilə cavab oyununa saxlayan Münhen nəhəngi onsuz “Sankt Pauli”yə səfərdə 5 top vurdu. “Rekordmayster” bu mövsüm bundesliqada səfərdə 12-ci dəfə bir oyunda ən azı 3 top vurdu. Bu, “böyük beşlik”də aşkar fərqlə ən yaxşı göstəricidi.

Beləliklə, sona 5 tur qalmış zirvədə xal fərqi 12-yə yüksəldi. Vensan Kompaninin komandası artıq gələn tur çempionluğu rəsmiləşdirə bilər. Amma bunun üçün münhenlilərin qələbəsindən başqa “Borussiya” da uduzmalıdı. “Union”u evə xalsız yola salan “Haydenhaym” 15 turluq qələbəsiz seriyaya son qoyaraq dekabrın əvvəllərindən bəri ilk dəfə hesabına 3 xal yazdı. “Leyptsiq” böyük çətinliklə də olsa, Münhenqladbax “Borussiya”sının müqavimətini qırmağı bacardı. Maraqlıdı ki, qələbəyə baxmayaraq, “öküzlər” 4-cü pilləyə gerilədilər. Bu, “Ştutqart”ın böyükhesablı qələbəsi üzündən baş verdi. “Hamburq”u evə 4 cavabsız qolla göndərən şvabiyalılar top fərqində (+22) “Leyptsiq”in (+20) önünə keçdilər.

“Volfsburq” əmin addımlarla 2-ci bundesliqaya doğru gedir. Bu dəfə evdə “Ayntraxt”a uduzan “canavalar”ın bundesliqada qələbəsiz seriyası 12 oyuna yüksəldi! Sona 5 tur qalmış “Volfsburq”u pley-off zonasından 4 xal ayırır. Özü də nəzərə alaq ki, bu 5 turdan birində rəqib “Bavariya” olacaq! Avrokubok iştirakçılarının duelində “Frayburq”a boyun əyən “Maynts-05”in evdəki 7 oyunluq məğlubiyyətsiz seriyası qırıldı.

29-cu tur
Sankt Pauli – Bavariya 0:5
Musiala, 9. Qoretska, 53. Olise, 55. Cekson, 65. Gerreyro, 88. (29546)
Bavariya: Noyer, Laymer, Kim Min Ce, İto (Ta, 67), Bişof, Kimmix (Devis, 59), Qoretska, Olise (Dias, 59), Gerreyro, Musiala (Ndiaye, 84), Cekson.

Borussiya D – Bayer-04 0:1
Andrix, 42. (81365)
Borussiya: Kobel, Ryuyerson (Kabar, 75), Anton, Şlotterbek, Bensebayni, Svensson (Bayer, 59), Bellingem (Salih Özcan, 76), Zabitser (Çukvuemeka, 64), Brandt, F.Silva (İnasio, 64), Girassi.
Bayer-04: Flekken, Kalbret (Vaskes, 74), Andrix, Bade, Tapsoba, Qrimaldo, Palasios, A.Qarsiya, Maza (Tillman, 90+2), Tella (Poku, 74), Kofane (Şik, 54).

Ştutqart – Hamburq 4:0
Ştiller, 21. Fürix, 32. Mittelştadt, 56. Əl-Xannus, 86. (60000)
Ştutqart: Nübel, Assinyon (Vaqnoman, 88), Şabo, Hendriks, Mittelştadt, Ştiller, Andres (Narti, 70), Levelinq, Dəniz Undav (Arevalo, 88), Fürix (Əl-Xannus, 70), Demiroviç (Tomas, 70).

Leyptsiq – Borussiya M 1:0
Diomande, 80. (47800)
Leyptsiq: Vandervoordt, Baku (Henrixs, 78), Orban, Bitşiabu, Raum, Baumqartner, Zayvald (Qruda, 78), Şlager, Diomande (Finkqrafe, 90+2), Nusa (Uedraoqo, 66), Romulo (Bakayoko, 66).

Auqsburq – Hoffenhaym 2:2
Klod-Moris, 11. Qreqoritş, 14 – Hranats, 35. Ture, 42. (28600)

Volfsburq – Ayntraxt F 1:2
Peyçinoviç, 90+7 – Höylunn, 21. Kalimuendo, 32. (26132)

Maynts-05 – Frayburq 0:1
Höler, 47. (30000)

Haydenhaym – Union 3:1
Honsak, 9; 36. Zivzivadze, 79 – Kverfeld, 75. (15000)

Köln – Verder 3:1
Əl-Mala, 7. Axe, 65. Bakhaus, 90+7-öz qapısına – Şmid, 75-p. (50000)

1. Bavariya 29 24 4 1 105-27 76
2. Borussiya D 29 19 7 3 60-29 64
3. Ştutqart 29 17 5 7 60-38 56
4. Leyptsiq 29 17 5 7 56-36 56
5. Bayer-04 29 15 7 7 59-39 52
6. Hoffenhaym 29 15 6 8 57-43 51
7. Ayntraxt F 29 11 9 9 54-54 42
8. Frayburq 29 11 7 11 42-47 40
9. Maynts-05 29 8 9 12 35-44 33
10. Auqsburq 29 9 6 14 36-53 33
11. Union 29 8 8 13 33-50 32
12. Hamburq 29 7 10 12 32-45 31
13. Köln 29 7 9 13 43-50 30
14. Borussiya M 29 7 9 13 35-49 30
15. Verder 29 7 7 15 32-52 28
16. Sankt Pauli 29 6 7 16 25-50 25
17. Volfsburq 29 5 6 18 39-65 21
18. Haydenhaym 29 4 7 18 32-64 19

Bombardirlər: Keyn (Bavariya) – 31, Dəniz Undav (Ştutqart) – 18, Dias (Bavariya) – 15, Girassi (Borussiya D) – 13.

Növbəti turun oyunları aprelin 17-19-u aralığında keçiriləcək: Sankt Pauli – Köln, Bavariya – Ştutqart, Frayburq – Haydenhaym, Borussiya M – Maynts-05, Hoffenhaym – Borussiya D, Verder – Hamburq, Ayntraxt F – Leyptsiq, Union – Volfsburq, Bayer-04 – Auqsburq.

Turun rəqəmi
105 – “Bavariya” bütün Almaniyanın həsrətlə gözlədiyi rekordu məhz bu tur yenilədi. “Sankt Pauli” ilə səfər matçında 5 dəfə fərqlənən ölkə futbolunun flaqmanı bu mövsüm bundesliqada vurduğu qolların sayını 105-ə çatdırdı. Məlum olduğu kimi, münhenlilərin özlərinin müəyyənləşdirdiyi 101 qolluq əvvəlki rekord 1971/72-dən bəri davam edirdi. Özü də heyrət doğuran məqam odu ki, sona hələ 5 tur var var. Bu gedişlə “Bavariya” “böyük beşliy”in də rekordçusu ola bilər. Bu göstəricidə rekord 1947/48-də (40 tura) 125 qol vuran “Torino”ya məxsusdu. Maraqlıdı ki, bundesliqa tarixində bir mövsümə ən çox qol vuran komandaların siyahısında ilk 10 pillədən 9-da “Bavariya” qərarlaşıb! “İlk-10-luğ”a yalnız 1981/82-də 95 qol vuran “Hamburq” düşməyi bacarıb. Bu, turnirin tarixinin ən yaxşı 8-ci göstəricisidi.

Turun ulduzu
Matias Honsak (Haydenhaym) – 29 yaşlı avstriyalı futbolçu bu tur dubl edən yeganə oyunçu oldu. Maraqlıdı ki, Honsak faktiki sol vinger olmasına baxmayaraq, buna qədər qol vurmamışdı. Bundesliqada keçirdiyi 25-ci oyunda o, mövsümdəki ilk qollarını vurdu. Məhz bu qollar sayəsində “Union”u yenən autsayder “Haydenhaym”ın elitada qalmaq ümidləri bir qədər də artdı.

Turun sitatı
Uli Höness, “Bavariya”nın fəxri prezidenti: