Tur “Bohum”un “Hoffenhaym”ı yenərək düşmə zonasından uzaqlaşması ilə start götürdü.

“Football-plus.az” xəbər verir ki, şənbə gününün oyunları maraqlı və məhsuldar alındı. “Frayburq” uzun müddət hesabda öndə olduğu qarşılaşmada evdə “Volfsburq”a son anlarda dramatik şəkildə uduzdu. Meydan sahiblərinin 64-cü dəqiqədən azlıqda qaldığını, üstəlik 87-ci dəqiqədə penaltidən yararlana bilmədiyini də qeyd edək. “Verder” gözlənilmədən səfərdə “Auqsburq”u darmadağın etdi. Bu, “musiqiçilər”in bundesliqada yubiley – 1000-ci səfər oyunu oldu. “Verder” “Bavariya”dan sonra bu göstəriciyə nail olan ikinci komandadı. Tura ilk “6-lıq”da daxil olan klubların bir-biri ilə qarşılaşması diqqəti çəkdi. Bundesliqa tarixində daha öncə mövsümün bu cür gec mərhələsində bir turda ilk 6 klubun bir-biri ilə qarşılaşması faktına rast gəlinməmişdi. “Bavariya” ilk dövrədə 1:5 hesabı ilə uduzduğu “Ayntraxt”ı evdə çətinliklə də olsa, məğlub etməyi bacardı. Turun mərkəzi oyununda ÇL-ə vəsiqə uğrunda mübarizə aparanlar – “Leyptsiq” ilə Dortmund “Borussiya”sı üz-üzə gəldi. “Arılar” qalib gələcəkləri təqdirdə 4-cü pilləyə yüksələcəkdilər. ÇL-in yarımfinalçısı hesabı açsa da, sonrakı dəqiqələrdə 4 qol buraxaraq pərən-pərən düşdü. Bu mövsüm cəmi 2-ci dəfə böyük hesabla uduzan “Borussiya”nın ÇL-ə düşmək şansları əhəmiyyətli dərəcədə azaldı. Openda ilə Şeşko ardıcıl 4-cü turda meydanı qolsuz tərk etmədi. Bundesliqada sonuncu dəfə bunu bacaran duet 2015-in fevralında “Borussiya”nın iki üzvü – Roys ilə Obameyanq olmuşdu. Turun daha bir maraqlı oyunu Leverkuzendə keçirildi. “Ştutqart” 56-cı dəqiqədə 2 topluq üstünlük yaxalayandan sonra hamını yalnız bir sual - “Bayer-04”ün yenə xilas olub-olmayacağı maraqlandırırdı. Xabi Alonsonun komandası növbəti dəfə Avropanı mat-məəttəl qoyaraq durumu 2:2-yə gətirdi! Həlledici qol adəti üzrə son saniyələrdə vuruldu. “Bayer-04” bu mövsüm rəsmi matçlarda 90-cı dəqiqə tam olduqdan sonra vurduğu qolların sayını 15-ə (!) çatdırdı. Təəsüf ki, bu 15 qoldan 4-ü “Qarabağ”ın qapısına vurulub! “Ştutqart”ın heyətində Girassi (25), Undav (18), Fürix (8) “üçlüy”ü bu mövsüm bundesliqada 51 qol həddinə çataraq klub tarixinin yeni rekordunu müəyyənləşdirdi. Əvvəlki rekord 1996/97-də 49 qol vuran Bobiç – Elber - Balakov “üçlüy”ünə məxsus idi.
Bazar günü keçirilən 3 oyunda qapılara cəmi 3 qol vuruldu. “Köln” Mayntsda son saniyələrdə məğlubiyyətdən qurtuldusa, Münhenqladbax “Borussiya”sı “Union”un müqavimətini qıra bilmədi. “Darmştadt” evdə “Haydenhaym”a uduzmaqla elitada qalmaq şansını itirdi. Beləliklə, 6 illik fasilədən sonra bundesliqaya qayıdan “Darmştadt”ın elitadakı macərası cəmi bir mövsüm davam etdi.

31-ci tur
Bavariya – Ayntraxt F 2:1
Keyn, 9; 61-p. – Ekitike, 23. (75000)
Bavariya: Noyer, Kimmix (Tel, 69), Dayer, De Liqt (Kim Min Çje, 46), Mazraui (Devis, 69), Qoretska, Laymer (Pavloviç, 28), Müller, Çupo-Motinq, Gerreyro (Zvonarek, 81), Keyn.
Bayer-04 – Ştutqart 2:2
Adli, 61. Andrix, 90+6 – Fürix, 47. Dəniz Undav, 56. (30210)
Bayer-04: Qradetski, Frimponq (Tella, 89), Kossunu, Ta (İnkapye, 46), Tapsoba, Qrimaldo (Stanişiç, 89), Andrix, Palasios, Hofmann (Virts, 74), Adli, Şik (Bonifas, 74).
Ştutqart: Nübel, Stergiu (Katompa Mvumpa, 81), Anton, İto, Mittelştadt, Karazor, Miyo (Mahmud Dahud, 74), Levelinq (Ştensel, 90+2), Fürix (Ruo, 81), Dəniz Undav (Çon Vu Yon, 74), Girassi.
Leyptsiq – Borussiya D 4:1
Openda, 23. Şeşko, 45+2. Simakan, 46. Baumqartner, 80 – Sanço, 20. (47069)
Leyptsiq: Qulaçi, Simakan (Henrixs, 51), Orban, Lukeba, Raum, Şlager (Kampl, 87), Aydara (Zayvald, 87), Olmo, Simons, Openda (Klostermann, 88), Şeşko (Baumqartner, 70).
Borussiya D: Kobel, Volf, Hummels (Zyule, 51), Şlotterbek, Ryuyerson (Mukoko, 71), Salih Özcan (Bayno-Gittens, 63), Brantd, F.Nmeça, Adeyemi (Roys, 46), Sanço, Füllkruq.
Frayburq – Volfsburq 1:2
Bornau, 42-öz qapısına – Arnold, 82. Lakrua, 90. (32800)
Auqsburq – Verder 0:3
Şmid, 52. Dukş, 61-p. Deman, 90. (30660)
Bohum – Hoffenhaym 3:2
Ştöger, 32; 64. Passlak, 45+2 – Kramariç, 73; 84. (24300)
Maynts-05 – Köln 1:1
Barreyro, 29 – Kaynts, 90+5-p. (33500)
Darmştadt – Haydenhaym 0:1
Dovedan, 90. (17000)
Borussiya M – Union 0:0
(53723)
1. Bayer-04 31 26 5 0 77-22 81
2. Bavariya 31 22 3 6 89-38 69
3. Ştutqart 31 20 4 7 70-38 64
4. Leyptsiq 31 19 5 7 73-35 62
5. Borussiya D 31 16 9 6 59-39 57
6. Ayntraxt F 31 11 12 8 47-42 45
7. Frayburq 31 11 7 13 43-55 40
8. Auqsburq 31 10 9 12 48-52 39
9. Hoffenhaym 31 11 6 14 55-63 39
10. Haydenhaym 31 9 10 12 44-52 37
11. Verder 31 10 7 14 41-50 37
12. Volfsburq 31 9 7 15 37-51 34
13. Borussiya M 31 7 11 13 53-60 32
14. Union 31 8 6 17 26-50 30
15. Bohum 31 6 12 13 37-62 30
16. Maynts-05 31 5 13 13 32-49 28
17. Köln 31 4 11 16 24-54 23
18. Darmştadt 31 3 8 20 30-73 17
Bombardirlər: Keyn (Bavariya) – 35, Girassi (Ştutqart) – 25, Openda (Leyptsiq) – 24, Dəniz Undav (Ştutqart) – 18.

Növbəti turun oyunları mayın 3-5-i aralığında keçiriləcək: Hoffenhaym – Leyptsiq, Borussiya D – Auqsburq, Ştutqart – Bavariya, Ayntraxt F – Bayer-04, Verder – Borussiya M, Union – Bohum, Volfsburq – Darmştadt, Haydenhaym – Maynts-05, Köln – Frayburq.

Turun rəqəmi
46 – “Bayer-04” daha bir möcüzəvi geridönüş sayəsində yenə adını tarixə yazdırdı. “Ştutqart”a uduzmamaqla komandanın məğlubiyyətsiz seriyası 46 oyuna çatdı (38 qələbə, 8 heç-heçə). Bu, XXI əsrdə Avropa futbolunda yeni rekorddu! Əvvəlki rekord Xorvatiya təmsilçilərinə məxsus idi. Zaqreb “Dinamo”su (2014 noyabr – 2015 sentyabr) və “Riyeka” (2016 aprel – 2017 may) ardıcıl 45 rəsmi oyunda uduzmamışdı. Avrokuboklar start götürdüyü vaxtdan, yəni 1955-dən bəri rekord “Benfika”ya məxsusdu. Lissabon nəhəngi 1963-65-ci illərdə ardıcıl 48 rəsmi oyunda uduzmayıb. Göründüyü kimi, leverkuzenlilər bu rekordu da təkrarlamağa çox yaxındı.

Turun ulduzu
Harri Keyn (Bavariya) – İngiltərə yığmasının kapitanı elə məhsuldarlıq sərgiləyir ki, az qala hər tur ya yeni rekord müəyyənləşdiurir, ya da hansısa tarixi rekordu təkrarlayır. Bu tur dubl etməklə o, bundesliqada 31-ci oyunda vurduğu qolların sayını 35-ə çatdırdı. Keyn turnirin tarixində 35 qol həddinə ən tez çatan futbolçudu. Bundan başqa, o, cari mövsümdə bundesliqada qarşılaşdığı 17 rəqibdən 16-nın qapısına yol tapmağı bacardı. Keyn yalnız “Frayburq”u məyus edə bilmədi. Daha öncə belə göstəriciyə Herd Müller (1966/67, 1969/70), Aylton (2003/04) və Levandovski (2019/20, 2020/21) nail olmuşdu. 30 yaşlı futbolçu bu mövsüm 42 rəsmi oyunda artıq 42 qol vurub. Bu, onun yeni şəxsi rekordudu. Keyn daha öncə “Tottenhem”də 2017/18-də 41 qol vurmuşdu. Və nəhayət, onun peşəkar karyerasında klub və yığma səviyyəsində vurduğu qolların sayını 400-ə çatdırdığını da bildirək.

Turun sitatı
Simon Rolfes, “Bayer-04”ün idmnan direktoru: