“32 ildən sonra “Turan Tovuz” avrokuboklara vəsiqə qazanıb. Çalışdıq ki, heç olmasa, bir avrokubok oyununu Tovuzda oynayaq və bu azarkeşlərə hədiyyəmiz olsun. Əlbəttə, Bakı və ya Sumqayıtda oynamaq həm daha rahat olardı, həm də nisbətən az xərc tələb edərdi. Amma məqsədimiz oyunları doğma şəhərdə keçirməkdi. Stadion UEFA-nın tələblərinə uyğun olmalıdı. Nümayəndələr gəlib yoxlama aparıblar, hətta rəqib azarkeşlərin daxil olacağı qapıya qədər bütün detallar nəzərdən keçirilib. Mayın 25-də növbəti yoxlama olacaq. Hazırda stadionda tikinti və yenidənqurma işləri davam edir. Stadion tikinti meydançasını xatırladır. Kamera sistemi, internet, su, işıq və digər texniki məsələlər üzərində çalışırıq. Əlimizdən gələni edirik ki, oyun Tovuzda keçirilsin. Həm “Sabah”dan, həm də PFL-dən xahiş etdik ki, o vaxta qədər işlərimizi tamamlayaq. Hakim otaqları, media sektoru düzəldilməli, əlavə otaqlar qurulmalıdı. Rəqib azarkeşlərin stadiona girişi üçün ayrı qapı da olmalıdı. Bir sözlə, meydançadan başqa hər yerdə işlər gedir. Oynasaydıq, gərək azarkeşsiz olardı. O da nəyə lazımdı?”