“Sabah”la “Zirə” arasında keçiriləcək kubokun final matçının baş hakimi müəyyənləşdi. Belə ki, oyunu “Football-plus.az”ın da güman etdiyi kimi, təcrübəli FİFA referisi Elçin Məsiyev idarə edəcək.

Maraqlıdı, bəs, adı çəkilən ədalət təmsilçisi hansı komanda üçün daha düşərlidi? “Footbal-plus.az” bu suala cavab axtarmaq məqsədilə komandaların Məsiyevin idarə etdiyi matçlarını diqqətinizə çatdırır.

Premyer-liqa
1-ci tur. Sabah – Qarabağ 1:0
13-cü tur. İmişli – Sabah 0:3
26-cı tur. Zirə - Şamaxı 1:1
28-ci tur. Qarabağ – Sabah 0:1
30-cu tur. Zirə - Qəbələ 1:0

Ölkə kuboku
1/4 final. Zirə - Sumqayıt 2:0

Göründüyü kimi, FİFA referisi hər iki komandanın 3 görüşündə iş başında olub. “Sabah” bu oyunların hamısında qələbə qazanıb, özü də ikisini “Qarabağ” üzərində. “Zirə” isə 2 qələbə, 1 “sülh”lə yadda qalıb. Hər halda, “bayquşlar”ın statistikası daha uğurludu. Ancaq “qartallar” da Elçin Məsiyevlə uduzmayıb.

Kəsəsi, sabah mövsümdə ilk yaşanacaq: ya “Sabah”, ya da “Zirə” Elçin Məsiyevin idarə etdiyi matçda məğlubiyyətlə barışmalı olacaq. Əsas və ya əlavə vaxtda da olmasa, penalti seriyasında!

KƏNAN BAHADIR