“Qarabağ” bu gün doğma meydanda “Neftçi” ilə üz-üzə gələcək. Azərbaycan derbisini Elçin Məsiyev idarə edəcək.

Ədalət təmsilçisi cari mövsümdə “Qarabağ”ın 5, “Neftçi”nin 2 oyununu idarə edib. Belə ki, mövsümün açılış matçında “Araz-Naxçıvan” “Qarabağ” önündə darmadağın olmuşdu (1:4). Həmin oyunun 78-ci dəqiqəsində Elvin Cəfərquliyev qırmızı vərəqə ilə meydandan kənarlaşdırılıb.

Misli premyer-liqasının 9-cu turunun “Sumqayıt” – “Qarabağ” (0:1) matçının gedişində Elçin Məsiyev zədələndiyinə görə fasilədən sonra baş hakim funksiyasının 4-cü hakim yerinə yetirmişdi. Ağdam təmsilçisi Kamran Əliyev oyunu idarə etdiyi vaxt fərqlənməyi bacarmışdı.

Premyer-liqanın 16-cı turunda “Qarabağ” “Sabah”la heç-heçə etmişdisə (1:1), 19-cu turda “Şamaxı”nı məğlub etməyi bacarmışdı (3:2). Derbiyə qədər Məsiyev sonuncu dəfə Misli premyer-liqasının 22-ci turunun “Qarabağ” – “Səbail” matçını idarə edib. Oyun ağdamlıların 5:0 hesablı qələbəsi ilə yekunlaşıb.

Qeyd etdiyimiz kimi, FİFA referisi “Neftçi”nin iki oyununu idarə edib. Bunlardan biri Roman Qriqorçukun, o biri isə Samir Abasovun dövrünə təsadüf edib. Belə ki, premyer-liqanın 6-cı turunda “Neftçi” “Zirə”yə 0:2 hesabıyla məğlub olub, 27-ci turda “Səbail”ə 2:1 hesabıyla qalib gəlib.

ƏSƏD SEYİDOV