Xəbər verdiyimiz kimi, ölkə kubokunun yarımfinal mərhələsinin cavab oyunlarının təyinatları bəllidi. “Qarabağ” – “Araz-Naxçıvan” oyununu Rəvan Həmzəzadə, “Sabah” – “Neftçi” oyununu isə İnqilab Məmmədov idarə edəcək.

Bəs, ədalət təmsilçilərinin ayaqları bu mövsüm hansı komandalar üçün düşərli olub? “Football-plus.az” bu suala cavab axtardı.

Rəvan Həmzəzadə “Qarabağ”la “Araz-Naxçıvan”ın kubok oyunlarına təyinat almasa da, premyer-liqa matçlarında iş başında olub.

Misli premyer-liqası
6-cı tur: Araz-Naxçıvan – Kəpəz 1:0
10-cu tur: Kəpəz – Qarabağ 0:5
18-ci tur: Qarabağ – Araz-Naxçıvan 2:0
21-ci tur: Zirə - Qarabağ 3:2
23-cü tur: Neftçi – Qarabağ 0:1
25-ci tur: Sabah – Araz-Naxçıvan 2:2

Göründüyü kimi, “Qarabağ” dörd oyunun üçündə qələbə qazanıb, birində uduzub. “Araz-Naxçıvan” isə üç oyunda qələbə qazanıb, qalan qarşılaşmalarda bir heç-heçə, bir məğlubiyyət qeydə alınıb. Deməli, Həmzəzadənin “köhlən atlar”a uğur gətirdiyini deyə bilərik. Xüsusilə “Qarabağ” – “Araz-Naxçıvan” matçında.

İnqilab Məmmədovla bağlı durum isə fərqlidi. “Fit sahibi” hər iki komandanın həm kubok, həm də premyer-liqa görüşlərini idarə edib.

Ölkə kuboku
1/16 final: Turan Tovuz – Sabah 2:2, p. - 3:5
1/4 final: Kəpəz – Neftçi 0:2

Misli premyer-liqası
1-ci tur: Sabah – Şamaxı 2:2
4-cü tur: Araz-Naxçıvan – Neftçi 1:1
8-ci tur: Qarabağ – Sabah 3:2
17-ci tur: Araz-Naxçıvan – Sabah 0:1
18-ci tur: Turan Tovuz – Neftçi 1:1
22-ci tur: Sabah – Turan Tovuz 2:1
28-ci tur: Neftçi – Araz-Naxçıvan 1:1

İnqilab Məmmədovun kubok oyunlarında bu komandalar üçün uğurlu olduğu bəlli məsələdi. Ancaq premyer-liqadakı mənzərə fərqlidi. Belə ki, “Sabah” onun idarə etdiyi 4 matçdan 2-də qələbə qazanıbsa, 1-də heç-heçə, 1-də məğlubiyyət qeydə alınıb. “Neftçi”nin meydana çıxdığı üç matçın hamısı “sülh”lə nəticələnib. Bu mənada İnqilab Məmmədovun Masazır təmsilçisi üçündə düşərli olduğu qənaətinə gələ bilərik.

KƏNAN BAHADIR