Sabah ölkə kubokunun final matçı keçiriləcək.

Qəbələ şəhər stadionunda gerçəkləşəcək "Qarabağ" - "Zirə" görüşünün baş hakimi Elçin Məsiyevdi. "Football-plus.az" saytı olaraq onun cari mövsümdə hər iki komandanın neçə oyununda ədaləti qoruduğunu araşdırdıq.

Yola saldığımız 30-cu ölkə çempionatında Elçin Məsiyev həm "Qarabağ", həm də "Zirə"nin iştirakı ilə baş tutan qarşılaşmalara eyni sayda təyinat alıb. O, hər iki komandanın 3 oyununda ədaləti qoruyub. Kubok matçlarında "qartallar"la yolu kəsişməsə də, “köhlən atlar”ın 1/4 final və yarımfinalın cavab görüşlərində iş başında olub. Maraqlıdı ki, referi cari mövsümdə bu komandalar arasında baş tutan 4 oyunun heç birinə təyinat almayıb.

Premyer-liqa

2-ci tur. "Qarabağ" - "Səbail" 3:0
10-cu tur. "Sumqayıt" - "Qarabağ" 0:4
13-cü tur. "Zirə" - "Qəbələ" 1:2
17-ci tur. "Səbail" - "Zirə" 0:1
18-ci tur. "Qarabağ" - "Qəbələ" 5:1
24-cü tur. "Sumqayıt" - "Zirə" 0:1

Azərbaycan kuboku

1/4 final, cavab oyunu. "Keşlə" - Qarabağ" 0:6
yarımfinal, cavab oyunu. "Qarabağ" - "Qəbələ" 5:0

Statistikadan göründüyü kimi, Elçin Məsiyevin idarə etdiyi oyunlar "Qarabağ" üçün düşərli olub. Komanda böyükhesablı qələbələri sıralayıb. "Qartallar" isə minimal hesabla bir məğlubiyyət alıb, iki qələbə qazanıb. Ədalət təmsilçisi cəmi bir dəfə qırmızı vərəqəyə ehtiyac duyub. Bu, 13-cü turun "Zirə" - "Qəbələ" matçında baş verib. "Qırmızı-qaralar"ın futbolçusu Omar Hani meydandan qovulub.

ABDULLA İSMAYILOĞLU