Misli premyer-liqasında 8-ci turun mərkəzi oyununu, yəni “Turan Tovuz” – “Qarabağ” qarşılaşmasını FİFA referisi Elçin Məsiyev idarə edəcək. Bilindiyi kimi, “bozqurd” bu görüşdə qələbə qazanacağı halda liderliyini möhkəmlədəcək. “Köhlən atlar” isə rəqibini “taxtdan endirmək” uğrunda top qovacaq.

Maraqlıdı bəs, oyunu idarə edəcək hakim hansı komanda üçün daha düşərlidi?

“Football-plus.az” bu komandaların Elçin Məsiyevin idarə etdiyi matçlarını və nəticələrini təqdim edir.

2019/20 mövsümü: “Qarabağ” – “Sumqayıt” 2:0, “Qarabağ” – “Sabah” 0:0.

2020/21 mövsümü: “Səbail” – “Qarabağ” 1:1, “Qarabağ” – “Səbail” 4:0, “Qarabağ” – “Neftçi” 1:2, “Zirə” – “Qarabağ” 0:2, “Qəbələ” – “Qarabağ” 0:5, “Neftçi” – “Qarabağ” 1:0.

2021/22 mövsümü: “Qarabağ” – “Səbail” 3:0, “Sumqayıt” – “Qarabağ” 0:4, “Qarabağ” – “Qəbələ” 5:1.

2022/23 mövsümü: “Neftçi” – “Qarabağ” 0:4, “Qarabağ” – “Sabah” 1:1.

2023/24 mövsümü: “Turan Tovuz” – “Sumqayıt” 2:2, “Turan Tovuz” – “Zirə” 1:0, “Turan Tovuz” – “Zirə” 1:2, “Qəbələ” – “Qarabağ” 1:2, “Neftçi” – “Qarabağ” 1:4.

2024/25 mövsümü: “Turan Tovuz” – “Araz-Naxçıvan” 1:2, “Turan Tovuz” – “Zirə 0:2, “Turan Tovuz” – “Sabah” 2:1; “Araz-Naxçıvan” – “Qarabağ” 1:4, “Sumqayıt” – “Qarabağ” 0:1, “Sabah” – “Qarabağ” 1:1, “Qarabağ” – “Şamaxı” 3:2, “Qarabağ” – “Səbail” 5:0, “Qarabağ” – “Neftçi” 3:0.

Göründüyü kimi, Ağdam təmsilçisi Elçin Məsiyevin idarə etdiyi 21 matçdan 15-də qalib gəlib, 4-də heç-heçə edib, 2-də uduzub. 2022/23 “futbol ili”ndən etibarən premyer-liqada çıxış edən “bozqurd”la bağlı durum isə fərqlidi. Tovuz təmsilçisi Məsiyevin fit çaldığı 6 oyunun 2-də qələbə qazanıb. 1 matçda “sülh”ə razılaşan komanda 3-də uduzub.

KƏNAN BAHADIR