Xəbər verdiyimiz kimi, premyer-liqanın 28-ci turunda keçiriləcək “Qarabağ” – “Sabah” matçında baş hakim Elçin Məsiyev olacaq.

“Football-plus.az” təcrübəli hakimin hansı komanda üçün daha uğurlu olduğunu araşdırıb. Ortaya çıxıb ki, ədalət təmsilçisi cari mövsümdə daha çox “köhlən atlar”ın oyunlarını idarə edib. Sizi “fit sahibi”nin iş başında olduğu həm Ağdam, həm də Masazır təmsilçisinin oyunlarının nəticəsiylə tanış edirik.

1-ci tur. Sabah – Qarabağ 2:1
8-ci tur. Turan Tovuz – Qarabağ 1:2
11-ci tur. Qarabağ – Neftçi 2:0
13-cü tur. İmişli – Sabah 0:3
18-ci tur. Qarabağ – Turan Tovuz 1:0

Göründüyü kimi, “köhlən atlar” Elçin Məsiyevin idarə etdiyi 4 oyunun 3-də, “bayquşlar” isə hər iki oyunda qələbə qazanıb. Bu baxımdan referinin “Sabah” üçün daha uğurlu olduğunu deyə bilərik.

Yeri gəlmişkən, qarşıdan gələn dueldə VAR hakiminin Tural Qurbanov olduğundan xəbərdarsız. Maraqlıdı ki, “Qarabağ”ın “Sabah”a qarşı keçirdiyi 1-ci tur matçında da VAR-da gənc referi əyləşmişdi. Onun baş hakim olduğu 22-ci tur oyununda isə VAR hakimi Elçin Məsiyev idi.

Kəsəsi, premyer-liqadakı “Qarabağ” – “Sabah” intriqasında ədaləti məhz Məsiyevlə Qurbanov təmsil edib.

KƏNAN BAHADIR