Əzəli rəqibi ''Qalatasaray''ın növbəti çempionluğuna şahidlik etməyə hazırlaşan ''Fənərbaxça'' üçün heç də xoş olmayan yeni bir iddia ortaya atılıb. Türkiyəli insayder Sərcan Həmzəoğlunun paylaşdığı məlumata görə iyunun əvvəllərində UEFA-dan ''Fənərbaxça''ya 15 milyon avroya yaxın pul cəzası veriləcək! Bu cəzanın böyük hissəsi klub üçün ayrılmış ''maliyyə feyr-pleyi''nin aşılması üzündən yaranıb. Klub tərəfindən bu proses diqqətlə təqib edilir. Qərarın qısa müddət ərzində açıqlanacağı gözlənilir. Bundan başqa Türkiyə mənbələrinin yazdığına görə ''sarı-lacivərdlilər'' iyunun əvvəllərində ödənilməli olan 92 milyon avroluq borcu var. Bu ilin sonuna qədər isə İstanbul nəhəngi 150 milyon avro ödəməlidi.