''Qalatasaray''ın ulduzu Mauro İkardi ilə bağlı bu dəfə çox fərqli və sürpriz bir iddia ortaya atılıb.

"Football-plus.az" xəbər verir ki, Argentinanın ''TYC Sports''kanalının yaydığı xəbərə inansaq, yeni mövsümdə Türkiyə çempionatında oynamağa haqq qazanan ''Amed SF'' İkardiyə ciddi maraq göstərir.

Diyarbəkiri təmsil edən ''Amed SF'' bilindiyi kimi tarixində ilk dəfə elitaya vəsiqə qazanıb. Klub həm iddiasını, həm də populyarlığını artırmaq istəyir. Rəhbərliyin fikrincə, İkardi bu prosesin həyata keçirilməsi üçün ən uyğun futbolçudu. Özü də nəzərə alaq ki, indi təcrübəli forvardı transfer edə bilmək üçün bəlkə də ən ideal zamandı. Çünki İkardinin ''Qalatasaray'' karyerası başa çatmaq üzrədi. Onun müqaviləsi bu yay başa çatır. Tərəflər arasında uzun müddətdi, danışıqlar aparılsa da, anlaşmaq mümkün olmayıb. Çünki ''Qalatasaray'' İkardinin 10 milyon avroluq illik maaşının yarıbayarı azaldılmasını istəyir. 33 yaşlı futbolçu isə maaşının azalmasını istəmir.

Hərçənd ''Amed SF''nın argentinalıya onun istədiyi maaşı verə bilib-bilməyəcəyi də maraq doğurur. Hələlik işin maddi tərəfi məlum deyil. Qeyri-adi bir şey baş verməsə, İkardi bu yay İstanbul nəhəngindən ayrılacaq. Ona ''Amed SF''dən başqa ''Yuventus'', ''Milan'', ''Elçe'', ''Ovyedo'', ''Amerika'', ''River Pleyt'' də maraq göstərir. İkardi hələlik hansı kluba yollanacağı ilə bağlı qərarını verməyib.

Ardıcıl ikinci ildi ''Qalatasaray''da Viktor Osimhenin kölgəsində qalan İkardi bu mövsüm 45 rəsmi oyunda aktivinə 16 qol, 2 məhsuldar ötürmə yazıb.