''Qalatasaray''ın müqaviləylə ''Bavariya''ya məxsus olan Saşa Boe ilə bağlı planları bəlli olub.

"Football-plus.az" xəbər verir ki, İstanbul nəhəngi sabiq futbolçusunu bu qış icarəyə götürüb. Fransalının daimi əsasda transfer hüququnu da ələ keçirən ''sarı-qırmızılar'' bu hüquqdan yararlanmaq istəsə, yayda münhenlilərə 15 milyon avro ödəməli olacaq.

Amma Almaniyanın ''Skay Sport'' kanalının xəbərinə inansaq, ''Qalatasaray'' bu hüquqdan yararlanmaq istəmir. Daha doğrusu, Türkiyə çempionu qarşı tərəfə 15 milyon avro ödəmək istəmir. ''Qalatasaray'' Boeni heyətdə saxlamaq istəsə də, fərqli yollar üzərində düşünür. Komanda 25 yaşlı futbolçunu ya yenidən icarəyə götürmək, ya da 15 milyon avroluq təzminatı aşağı salmaq arzusundadı.

Xatırladaq ki, ulduzu məhz ''Qalatasaray''da parlayan istedadlı futbolçu 2024-ün yanvarında klub üçün rekord məbləğə - 30 milyon avroya ''Bavariya''ya yollanmışdı. Amma Boenin Almaniya karyerası istənilən səviyyədə keçmədi və iki illik fasilədən sonra o yenidən Türkiyəyə qayıtdı.

Bu mövsüm Boe ''Cim-Bom''da 16 rəsmi oyuna çıxaraq 2 qol vurub.