Bazar ertəsi keçirilən “Çelsi” – “Nottingem Forst” matçında qorxulu anlar yaşanıb. Yeniyetmə futbolçu ağır zədə alıb.

“Stemford Bric”də keçirilən oyunda ev sahiblərinin 18 yaşlı futbolçusu Cessi Derri rəqib həmkarı Zak Ebbottla toqquşmadan sonra huşunu itirib. Paytaxt klubunda premyer-liqada debüt oyununa çıxan Cessi böyük bəxtsizlilə üzləşib. Hadisə birinci hissənin sonlarında baş verib. Çənəsindən zərbə alan yeniyetmə futbolçu meydanda hərəkətsiz qalıb.

Həkimlər ona təxminən 10 dəqiqə ilkin tibbi yardım göstərəndən sonra futbolçu xərəkdə meydandan çıxarılıb və Liam Delapla əvəzlənib.

Bundan sonra hakim Entoni Teylor “Çelsi”nin xeyrinə penalti təyin edib. Lakin Koul Palmerin zərbəsini qapıçı Mats Sels dəf edib. Fasiləyə 2:0 hesablı üstünlüklə yollanan “Nottingem Forest” sonda 3:1 hesabıyla qalib gəlib.