Milan Şkrinyar ilə birlikdə ''Fənərbaxça'' müdafiəsinin dirəyi hesab olunan Ceyden Oostervoldeyə İtaliyadan maraq var.

"Football-plus.az" xəbər verir ki, Türkiyə yığmasının üzvü Zəki Çəlikin də şərəfini qoruduğu ''Roma'' niderlandlı oyunçuya ciddi maraq göstərir. Türkiyə mətbuatının yazdığına inansaq, paytaxt təmsilçisi yayda ''Fənər''ə 15 milyon avroluq təklif irəli sürməyə hazırlaşır. 25 yaşlı futbolçunun İstanbul nəhəngi ilə 2028-ci ilə qədər müqaviləsi var. Klubda indi vəziyyət o qədər qarışıqdı ki, yayda kimin ayrılacağını, kimin qalacağını söyləmək çətindi.

''Fənər'' Oostervoldeni 2023-ün yanvarında ''Parma''dan 6 milyon avroya transfer edib. O, kluba cinah müdafiəçisi kimi gəlsə də, sonradan mərkəz müdafiəçisinə çevrildi. Cari mövsümdə bu futbolçu 44 rəsmi oyunda iştirak edərək 1 qol, 1 məhsuldar ötürmə ilə fərqlənib. 4 mövsüm ərzində Oostervolde ''Fənər''də 106 rəsmi oyuna çıxıb. Xatırladaq ki, ötən mövsüm diz bağları qopduğu üçün uzun müddətə sıradan çıxan niderlandlı cəmi 14 oyun keçirə bilmişdi.